شلاليت.. شلاليت.. شلاليت نازلين ضرب وتشليت وإن قلنا مافيش فيه فايدة نسمع فى خطب تشتيت فى الصبح خطب وكلام والظهر حلال وحرام والعصر بنسمع هيصة والمغرب كله ينام مش عارف إيه آخرتنا طول ما أنت كدا فى سكتنا هو إحنا نهارنا وليلنا نفضل نحكى فى حواديتنا صدقنى شبعنا وعود وكلام فى كلام وردود وعشان قاعد ع الكرسى عمال تعزف ع العود أنا نفسى فى مرة أقول شكرا لبتاع الفول ورغيف العيش أمشى له ألاقيه موجود على طول وخلاص خلصت كلامى مش شايف حاجة قدامى ماتقول لى فى إيه خلصنى إيه فاضل غير إعدامى