ابسط يا عم الحكومة حترفع التكليف وكل يوم.. كل واحد له تلاتة رغيف يشبع ما يشبع ما تسألشى مانش عارف وآخرتها إيه قول لنا.. الطف بقى يا لطيف حتقول رغيف يعمل إيه فى الطقه.. طب متقول وحتحمل إيه واللا إيه.. ما تشوف فين المسئول هو انت فاكر فيه حاجة حد يعرفها دا كل شىء نلتقيه بقرار صدر على طول والخلق عايشه على اللقمة حيعملوا إيه ما تفكروا حبة فى رغيفكوا اللى قولتوا عليه وتوفروا لكل واحد مننا رغيفه وبلاش تخلوا الغلابة يلطموا عليه اللقمة هى اللى باقية لشعب بات غلبان فبلاش بقى فزلكة فى اللقمة حتى كمان ما عدش غير الرغيف حتحيروه بينكم واللا الجعان عندكم يفضل تملِّى جعان يا حكومة خلِّى الرغيف للناس رغيف بصحيح وزودى تمنه حبه يبقى حلو مريح ودعمى المحتاجين بالفرق فى الأسعار أنا أصلى ديماً كدا فى الحق ببقى صريح دى الثورة قامت عشان الخلق عايزه تعيش واللقمة والغموس وى الغموس غيرهم يا خلق مافيش وتقول لى أقول لك بقى.. لأ لأ ما تقوليش