سايق عليك النبى فهمنى ياسيدى ما تخلنيش اتخنق من كتر تنهيدى عايز بقى إشوف قرار منك يريحنا ويحل أزمة رغيف العيش وتنهيدى كل الغلابة بأشوفهم فى طابور العيش وأنا وسطهم كل يوم علشان رغيف ملاقيش أرجع لبيتى مانش عارف راح أعمل إيه تعرف تقول لى السبب يا وزير وما تخبيش أنا قمت بالثورة لجل اللقمة وغموسها وقلت يمكن وزير تموينا يحرسها لكن لقيت كل حاجة زى ما هيه ما تقول لنا إيه الحكاية بلاش تتربسها عايزين قرار ثورى يكسر أزمة المساكين د رغيف وحبة غموس حيشبع الملايين مش محتاجين كل حبة نشكى من جوعنا ونفسنا والنبى نفضل كدا ساكتين بتقول لى إيه يا فريد؟.. بتهيج الناس ليه؟ تلاتين سنة وإنت ساكت.. إيه حكايتك إيه؟ تسمح أقول لك ياسيدى الخلق مش طايقة وراح أعمل إيه ولا إيه.. أنا أصلى عايش فيه على كل حال بكرة تعرف صدق كلماتى واللى بأقوله حقيقة.. الخلق بتهاتى وراح أعمل إيه والنبى علشان رغيف العيش وأنا لسه جو الطابور مع ابنى ومراتى