يا رئيس بلدنا مدد.. عايزين وطن نبنيه.. كلف رئيس الوزارة قول له يعمل أيه.. وللا ح نفضل نقول فين الوزارة يا بيه.. وبلاش صراع أو خلاف ع السلطة نبكى عليه.. أصل الحكاية ما هش ناقصة يا ناس بريه.. الشعب محتار من الجارى يا ناس حواليه.. وكل واحد تقول له حرام يقول لك ليه؟.. والكل عامل رئيس.. جايب له ناس تداديه.. وآخرتها هيصة وما فيش أبدآً عمل تلاقيه.. يا ريس الدفة مش ناقصة بأقول لك إيه.. الحكم محتاج عزيمة م الخلاف تحميه.. السلطة مش حكم بس.. السلطة عدل وخير.. والثورة مش بالخلاف ولا هيصة فى الجماهير.. قول للوزارة بقى.. خلى المسيرة تسير.. مش كل واحد عايز يعمل علينا وزير.. وكل حزب بيحلم يبقى بس كبير.. والكل نازل خطب فى الشعب كالمناشير.. أنا باحذر وأقول الأمر جد خطير.. والرمل بيقول كلام مش لاقى له تفسير.. الثورة محتاجة تهتم بالتغيير.. مش بالخطب والكلام ومظاهرة بالتحرير.. وأدينى قلت وخلاص وإنتم بقى شاهدين .. ولما أرجع ح قول تانى وأبين زين.. ويارب يوصل كلامى وكلكم ثايرين..