الكل نازل خُطب ومظاهرة فى الميادين وتقول لهم فهَّمونا.. يقولوا مش فاهمين طيب بتتظاهروا ليه فى كل ساعة ويوم يقولوا كان نفسنا نكون فى يوم ثايرين تلاتين سنة وإحنا صوتنا فى صدرنا مكتوم ونفسنا يوم بقى نصحى نفوق م النوم ولما قمنا وصحينا نزلنا فى التحرير وقمنا بالثورة لأجل نحرر المظلوم كلام جميل بس ليه مع بعض مش قاعدين وترسموا فى الخطط للناس شمال ويمين وتحققوا لشعبكم كل اللى كان عايزه وبلاش هتاف أو خُطب ونعيش كده تايهين فيه ناس كتير.. فيه دول.. عايزين يشوفونا فى خلاف وفقر وصراع علشان يحطونا فى كفهم كل حبة يلعبوا بينا.. ويحكمونا ووسط الزفة يرمونا يبقى اللى مطلوب بقى تفكير بعقل سليم وكل واحد يحس بحاجة المظاليم مش كل حبة خُطب وهتاف فى ميادينَّا ووسطنا ناس غلابة نفسها فى مليم إيه رأيكم فى الكلام ده.. صح واللاعبيط وبلاش بقى كل واحد يبقى ثورجى وحويط ومفيش لزوم للخلاف.. اللى ملوش لازمة وبلاش بقى فى بعض ننزل كل يوم تخبيط