بالصور.. هاشتاج «أنا من جيل» يتصدر «تويتر».. ندى: «إعلان شيكولاته كوفرتينا على العريس».. بوس بوس: «الجيل اللى بياكل الأستيكة علشان ريحتها فراولة».. نوفا: «اللوليتا».. ومحمد: «هيجوزوني ما يجوزوك»

دشن مستخدمو موقع التواصل الاجتماعى «تويتر»، هاشتاجًا يحمل عنوان «أنا من جيل»، تصدر أكثر الموضوعات تداولًا عبر الموقع، استعادوا خلاله أجمل لحظات حياتهم في الصغر، ومن جانبها رصدت «فيتو» تعليقات النشطاء في الهاشتاج.
هينز: «الشلن والبريزة وآخرنا كان الربع جنيه».
نيفين: «أول قلم سنون في التاريخ.. واللي كان بيجيب القلم ده يبقى برنس».
دودو: «شريط هشام عباس حالة اللى كان بيعمل قلبان في رحلات الجامعة وأعياد الميلاد».
أم محمد: «مجلة ميكي الخميس وسمير الأحد».
ندى: «إعلان شيكولاته كوفرتينا على العريس».
نيفين: «إبراهيم الكردانى كان بيقدم أمانى وأغانى وصباح الخير يا مصر، ونشرات الأخبار ودروس إنجليزي.. وبرامج السياحة».
إبراهيم: «كنا بنعشق بنك الحظ، لو 4 بنلعبها كلنا نكون مركزين محدش فاتح ال whats أو فيس كانت لمه حلوه».
نوفا: «أنا من جيل، اللوليتا، والقنوات لما كانت بتقفل الساعة 12».
منى: «أنا من جيل غزل البنات إلى كان بيتباع قدام المدرسة».
محمدى: «أنا من جيل عقلة الإصبع».
نور: «كان بيتفرج على القناة الأولى والتانية بس ويسمع إذاعة الشرق الأوسط».
جوجو: «مكنش فيه مطاعم غير ومبى وفلفلة وجحا بتاع الكشرى».
آية: «كان اللي ينزل الشارع 11 بليل ما يشوفش غير القطط».
بوس بوس: «الجيل اللى بياكل الأستيكة بتاعت المسح علشان ريحتها فراولة».
محمد صبحى: «أنا من جيل اليوم المفتوح بتاع يوم الخميس».
محمد عبد العزيز: «هيجوزوني مايجوزوك يا أخي بقولك هيجوزوني وأنا مش شايف بروبليم، وأجيب جهازي من عبد الرحيم عمرو».