دشن نشطاء موقع التواصل الاجتماعي "تويتر"، هاشتاجا جديدا ساخرًا بعنوان "# في_2014_ولسه، ولاقى الهاشتاج تفاعلاً كبيرًا من جانب النشطاء الذين تداولوه فيما بينهم، حتى أصبح واحدا من الأكثر تداولا على موقع التواصل الاجتماعي "تويتر". قالت @HagarAshmawy الشاب المصرى بالعقلية البتنجانية اللى بتنص على انه يعمل كل حاجة قبل الجواز ويتجوز فى الاخر السفيرة عزيزة ناس طيبة اوى يا خال، وعلق Terror قائلاً في 2014 ولسه معرفش هعمل إيه بالنحو الى أنا درسته فى ثانوية عامة. بينما جاء تعليق Ahmed gamil الفساد لم يحارب.. والإعلام ازداد تطبيل وتغيب وبعد. وفى نفس السياق قال AhMeD زى ما انا مفيش جديد محدش عنده حاجة جديدة دة انا قربت انساها، وعلقت Amira على الهاشتاج قائله لسه مجبتش موبايل اصلي كله صيني، بينما قال Abdurhman ولسه التعليم متخلف. وعلق Eslam ولسه بحب ثورة يناير واى حد بيحبها واى حد بيحب اى حد بيحبها، فيما جاء تعليق @HagarAshmawy لسه فى ولاد مش فاهمين ان البنت اللى بيحبها و يسيبها هتيجى واحدة تانية تعرفه قيمتها ، بالاضافة الى Mohamed taha ولسه فى بيوت ف مصر مافيهاش صرف صحى. وفى نفس السياق قال @liverpoodlian2 ولسه مصر موصلتش حتى لدوله فى العالم التالت ، و قال @M7Zayan ولسه فى شباب مش بتقراء، @shady_shawkat ولسه الزمالك فاكر انه ممكن ياخد الدورى. قالت @HagarAshmawyلسه فى ناس فاكرة ان الشاب اللى متقدم لبنتهم قاعد على بئر بترول ، فيما علقت @Alaaosama95Alaa على الهاشتاج ولسه فيه ناس بتكتب "شكرا لقبول طلب الصداقه" و فى نفس السياق قالت Maii Kamelولسه في برامج طبخ و الستات بيتصلوا عليها!!.. علق @M7mD_Ra4aD قائلاً :ولسه الجهل والمرض والفقر فى مصر ..مثلث الرعب والخطر ، بالاضافة الى Hassanولسه الجيش و الشرطة فاكرين إنهم بيتحكموا فينا, و مش عارفين إنهم شغالين عندنا علشان يحمونا و الفلوس الى بياخدوها ديه بتعتنا، قالت Hagar لسه حرامية بنسرق من بعض التويتات، قالت Esraa ولسه بيقولوا علي بنت محترمة انها معقدة بس مش متربية.
