استنكرت الناشطة السياسية، إسراء عبدالفتاح تشبيه البعض ما تمر به البلاد حاليا بما كان يحدث قبل ثورة 25 يناير. وقالت عبدالفتاح، خلال تدوينة لها عبر صفحتها الشخصية بموقع التواصل الاجتماعي «فيسبوك»: «أنا مش قادرة أصدق الناس اللي بتشبه اللي بيحصل دلوقتي باللي حصل قبل ثورة يناير وبتقول المؤامرة بتتكرر، عيب يا أخوانا كده والله ما تقولوش علي نفسكم كده متقولوش أن يعني أن أنتوا كنتوا عارفين إن الكنيسة هتنفجر ومجدي مكين هيموت من التعذيب في نفس التوقيت ده بتاع ٢٠١١، وسبتوهم يعملوا كده تاني والناس تموت ومحمتوش الناس من المؤامرة». وتابعت حديثها: «يا جدعان ده إحنا بنقول إرهاب غادر وانتوا بتقولوا هي هي، وأنتوا بتتفرجوا وأنتوا بتحكموا البلد والأرواح دي في رقبتكم». وأضافت: «المؤامرة ممكن تحصل مرة واحدة لكن لو اتكررت تاني بنفس السيناريو في نفس التوقيت بنفس الأحداث متبقاش مؤامرة تبقي أي اسم تاني معرفهوش». وواصلت: «وميبقاش المتآمر عليه اضحك عليه، ده يبقي عبيط وأهبل أو أحب المؤامرة وقرر تتعمل فيه كل خمس سنين بمزاجه وهو مبسوط»، مختتمة: «فوقوا بقي ومتكرروش كلام عبثي»