أبدى الإعلامي محمد الدسوقي رشدي، تعجبه من هجوم المصريين على اللاعب إسلام الشهابي، بعد خسارته أمام اللاعب الإسرائيلي في رياضة الجودو بأولمبياد ريو دي جانيرو، المقامة حاليًا في البرازيل وتجاهله للاعب ورفضه توجيه التحية له، قائلًا: "مصر كلها دخلت الشهابي في المفرمة، رياضين وسياسين ناس قاعدة فاضية على الفيسبوك، وناس ملهمش فيها، وكله قرر يدبح إسلام". أضاف رشدي، خلال تقديمه برنامج "قصر الكلام"، المذاع على فضائية النهار، أمس الجمعة: "يا عيني عليك يا إسلام، فضلت تلعب 10 سنين ماحدش كتب عنك كلمة، ووقت ما كنت بترفع علم بلدك في كل المسابقات محدش قالك شكرا ولا اتكلم عنك، ولما غلطت غلطة الكل قرر يدبحك، ودخلت المفرمة بنفسك ومش هتخرج منها". وتابع: "90 مليون مواطن في مصر قررو يحللوا ماتش في لعبة الجودو، وهما مش فاهمين قواعده أصلا، ولما وقعت السكاكين كترت عليك". وتساءل رشدي، قائلًا: "يا ترى.. هل اضحك عليه ولا إسلام هو اللي ضحك علينا؟ هل هما فهموه وهو ما فهمش وسابوه في وش مدفع ولما لبس طلعوا بيان يتبرأوا منه؟ ده بدل ما نساعده ونتعامل مع نه بطل في رياضة الجودو، وأنه رفع اسم مصر في السنين العشر اللي فاتوا في بطولات إفريقية وعالمية، ولا نعتبرها غلطة ونحاسبه عليها ونعيد تقيمة وتأهيلية ونأخد اللي حصل درس لكل الرياضين بتوعنا هنعمل إيه بالظبط ولا حد عارف".