شنت ياره نعوم زوجة عماد متعب مهاجم الأهلي هجوما عنيفا على مجلس ادارة النادي الأهلي وجهازه الفني بقيادة الهولندي مارتن يول بسبب عدم مشاركة متعب في مباراة روما والتعامل معه بشكل غير لائق. وكتب ياره عبر حسابها على فيسبوك "أنا نفسى أفهم ليه بيتعمل كدة مع عماد !!! .. عماد نفسه مش فاهم فى ايه وإزاى بيتعمل معاه كدة وأخر حاجة كانت امبارح كل اللعيبة لعبت إلا هو !!! اه عملنا ماتش عالمى امبارح مع فريق عالمى دى كلمة قليلة عليه،بس ده ماتش ودى مش نهائى افريقيا،صح ولا غلط ؟!!!" وأضافت "(التعتيم الإعلامى+عدم مشاركة+نشر اخبار كاذبة على لسانه وتسريب اخبار بالاستغناء عنه ولسه فاضل فى عقده سنة) ، ده السيناريو المحفوظ اللى كل الناس حفظته وزهقت منه وعلى فكرة لو عايز تشوه صورة عماد شوف سيناريو غير ده عشان خلاص اتهرش والناس مش هاتصدقه زى بالظبط موضوع ان عماد اخره 5 او 10 دقايق والعفريت اللى بيحضره بيجهز بعد الدقيقة تسعين وهوب هات ياعماد الجول فرح الناس وانقذنا من البهدلة والتقطيع !!!" وتابعت "وفى المؤتمر الصحفى الكوتش بيقول كان نفسى يكون موجود بس احنا عندنا 4 مهاجمين متميزين،طب فهمت انا ايه كدة!!! ، طيب ده عماد هو اللى فى السكور على طول و باقى المهاجمين مش دايماً موجودين، وامبارح من باب اولى انك تلاعب اللى موجود معاك على طول مش اللى برة و بقاله شهور ماشفش الاستاد، صح ولا غلط ؟!! ، هى صفحات الكراسة بتخلص عند عماد بس زى ماقال بركات ؟؟؟؟؟؟ " واختتمت تصريحاتها قائلة "عماد كبيييير و تارييييييخ عماد مش من السهل ان حد ييجى زيه تانى غير بعد سنين كتير اوى ، اه على فكرة عماد مكنش محجوزله تذكرة عودة مع الفريق ومكنش هيرجع معاهم، يا ترى ياهل ترى ده العيب فى السيستم ولا فينا ولا فى مين بالظبط ؟!!!"
