قال الإعلامي مجدي طنطاوي، اليوم السبت، إن مصر في حاجة إلى المزيد من الأمان والطمأنينة، متسائلًا: «أليس بالأحرى أن نترك الداخلية لتُفكر في عملها وحماية أمن وأمان هذا الوطن واستقراره بدلًا من خروج مظاهرات كل يوم والتاني؟». أضاف طنطاوي، خلال تقديمه برنامج «كلام جرايد»، عبر فضائية «العاصمة»، «هنفضل لمتى بالشكل ده؟ مظاهرة الجمعة اللي فاتت ومظاهرة يوم 25 أبريل ليه؟ السيسي راجل إحنا اختارناه أن يكون رئيسًا للمصريين، اختار من اختار ورفض من رفض، لكن المجمل اختار السيسي رئيسًا». تابع: «المجموع العام من أبناء الشعب المصري اتحايل على السيسي، قولًا واحدًا، بلاش نزيّف الحقائق، خلونا نكون منصفين مع أنفسنا، لازم نكون واضحين، إحنا اللي اختارنا الراجل ده، وإحنا اللي اتحايلنا عليه، وإحنا اللي قبّلنا الأيادي، وقلناله والنبي إحنا عايزينك عشان تنقذ المركبة دي من اللي هي فيه».