كتب - أحمد مطاوع هنأ الإعلامى يوسف الحسينى، اللواء إبراهيم عبد العاطى، مخترع "جهاز الكفتة" لعلاج الفيروسات، وجموع الشعب المصرى، بمناسبة حلول الذكرى الثانية للإعلان عن الجهاز. وقال الحسينى، خلال تقديمه فقرة "خبر مضروب" ببرنامج "السادة المحترمون"، على فضائية "ontv live"، ساخرًا: "جهاز الكفتة أثرى حياتنا العملية فى مصر، وأثرى واقع البحث العلمى فى مصر، وتحدث عنه العالم وصار مضربًا للأمثال، وأصبحت مصر تصنعه بشكل محلى بنسبة 100% ويصدر للعالم كله"، متابعًا: "جهاز الكفتة ساهم فى شفاء على الأقل مليون مريض لحد دلوقتى ولسه". وطرح مقدم البرنامج مجموعة من الأسئلة، قائلا: "هو فين أستاذ عبد العاطى بتاع جهاز الكفتة؟ هو جهاز الكفتة راح فين؟ أين الأبحاث؟ هى سرية بتتعلق بالسلاح السرى بتاع هتلر مثلا، لماذا لم ينشر بحث واحد عن جهاز الكفنة فى أى مجلة من المجلات البحثية العلمية الكبيرة فى العالم". وتساءل الحسينى: "هو مش عصام حجى بتاع ناسا وواحد من أبرز العلماء فى العالم، اتزعل منه عشان اتكلم عن جهاز الكفتة، بوقال إن هذا الحديث كله غير علمى على الإطلاق"، واختتم: "كل سنة وإنتوا طيبين.. جهاز الكفتة.. حياتنا كفتة.. واقع كفتة.. خبر مضروب بس مش كفتة".