سخر الإعلامي سيد علي، من تكريم محافظ بورسعيد، اللواء مجدى نصر الدين، للراقصة شيما الحاج، اليوم الإثنين، لإحياءها حفل بعنوان "الأكل والعمل" قائلًا "على عينى وعلى دماغى، إنتوا عايزين إيه من الرقاصة، كويس قوى إن حضرتك بتكرم راقصة، ولو انت شايف إنها بتقدم فن يستحق، إنت المحافظ وإنت الكبير، هو إحنا هنعرف أحسن منك". وتابع على، خلال حلقة اليوم الاثنين، من برنامج "حضرة المواطن" الذى يقدمه على قناة العاصمة، قائلًا "اللى مش من حقك إنك تنسى تكريم «ياسمين» بطلة العالم فى الأوليمبياد، لأنها مالهاش ضهر، وفى البلد دى اللى مالوش ظهر بيتضرب على بطنه، وطبعًا الرقاصة ليها ضهر وبطن وكل حاجة". وكان محافظ بورسعيد، قد أهدى "درع المحافظة" لإحدى الراقصات، فى الحفل الذى تبناه أحد كبار التجار فى بورسعيد، صاحب أكبر سلسلة محال تجارية ببورسعيد، وكرم المحافظ عدد من الفنانين، بينهم الفنانة ندى بسيونى، والمطرب خالد على، والمطربة إيناس عز الدين.