اكدت رابطة الاولتراس الاهلاوي ان اولتراس جرين ايجيلز وجمهور المصري هم من قتلوا مشجعي النادي الاهلي في بورسعيد. وقال أحد اعضاء رابطة ألتراس ديفيلز , والذي كان في المدرجات اثناء المباراة , شهادته عما حدث , ليؤكد ان الكلام عن قلة مندسة غير مقبول علي الاطلاق , مشددا علي ان اولتراس جرين ايجيلز وجمهور المصري هم من قتلوا مشجعي النادي الاهلي في بورسعيد.
وجاء نص البيان كالاتي .
... المجد كل المجد للشهداء .. الجميع تابع احداث مباراه الاهلي والمصري في بورسعيد و الاحداث التي عاشها الجميع اولا الشكر لجميع كلا من 1 - جروب اولتراس وايت نايتس 2- اولتراس يلو دراجونز 3- اولتراس جرين ماجيك 4- فيدائيو السويس بعد ماحدث من المباراه من جمهور "بورسعيد" وخاصه الجرين ايجيلز ..
بدا بعض من الناس بتقليص مافعلوه هذه الرابطه والجمهور في المباراه بانهم لم يفعلو شيئا "ده مش هما ده قله مندسه ده ناس مرتبه و مظبطه ده مش جمهور بورسعيد " اولا نكلم كلام اولتراس بالبلدي انا كنت في المباراه انا من التراس ديفيلز ونجيت من المباره الله اعلم ازاي اولا مش اي حد يمسك شماريخ !! مش اي حد يقف فوق بانر اي مجموعه !! مينفعش حد يلبس سويت شيرت الجروب غير الاعضاء !! كلنا شوفنا الاقتحام بدا بنزول الملعب من فوق بانر "الجرين ايجلز " وجمهور المصري من الدرجه التانيه بدات الحرب من الطلوع من فوق البنر الخاص بيهم والجمهور ,طبعا كلنا طلعنا فوق اعلي المدرج كل الي مسك ناس مننا وزقنا من فوق كلام وهتحاسب عليه! من "الجرين ايجيلز " متجيش تقول قله مندسه !! الي قتل صحابي واخواتي هما 2 جمهور المصري و الجرين ايجيلز لو نزل 100 واحد من الملعب او 200 نقول قله مندسه لاكن مينزلش بال 5000 واحد ونقول قله !! كان في مخطط من الامن اه كان في !! لاكن لازم نو ضح مين عمل كده ورمي الناس من فوق المدرج و داس علي رقبتهم و ضربوهم بحديد الكراسي طبعا هما فرحانين بالكلام ده احنا عملنا احنا عملنا !! التوضيح !! 1- انا كنت في المباره ونجيت بفضل ربنا بس الي شوفتو مش هنسا ولازم كنت احكي وده كلام انا هتحاسب عليه ولو في حرف واحد 2_ لما محمد مصطفي فرد واحد من الجروب مات الناس كلها عرفت احنا عملنا ايه3_ في نفق خروج اللعيبين تحت المدرج تخيل ان واحد يقف يطفي الشمروخ في جسمك او يحطو في بقك لا تلموننا علي اي شئ نحن الجمهور الوحيد في مصر الذي لم يمس نجيله ارض الملعب فقط اوضحنا لكم من فعل بهذه الجريمه مش عايزين حد يجبلنا حقنا احنا هنعرف نجيبه مش عايزنكو تيجو القاهره !! بس اقسم بالله لايجي اليوم الي تقولو في ياريتنا مالمسنا واحد كان لابس تي شيرت احمر البيان ده عشان ناس رجعت معايا كان دمها محروق لما قالو قله مندسه وده مش الجمهور مش عايزين حاجه من حد حقنا و نعرف نجيه !! البيان الي انتو طلعتو الي كتبه بايده هيمسحه بايده !! مش يكتبه علي طريقت اقتله وامشي في جنازته !! نرجو منكم الدعاء للشهداء لان ده اول يوم ليهم في القبور وحقهم هيجي يعني هيجي واعذروني من اي شد في البيان لاكن الموت شوفتو بعنيا
