موت في سكات احضن وجعك جوعك تعبك مرضك عجزك حرقة قلبك ومتشكيش لضمير لو مات موت في سكات اوعى تفضفض ولا تبوح ولا تضيق بجروح الروح ولا تستنى الظالم عنك ظلمه يروح كلمة حق وعدل أصحبي زمانهم فات موت في سكات تعمل ايه في الجوع والفقر عيشتك هم في ذل في قهر هتروح فين يا عزيزي يا مصري عايز تهرب وتسيب مصر؟ متهان جوه ومتهان بره خليك جوه ولا تفتناش مصري وامتى المصري بيفرق مات او عاش وزنك خف الريشه ودمك يسوى بلاش على باب ربك قوتك حقك جه يا مجاش امضغ صخر الصبر في صمتك اكتم , ابلع صرخة غضبك موت في سكات موت في سكات