أعلنت صفحة (كلنا خالد سعيد) الحداد على أرواح المصريين التي زهقت أمس الأحد، في أحداث ماسبيرو، والتي وقعت بين متظاهرين وقوات من الجيش وراح ضحيتها أشخاص من الطرفين، وقد أصيب أيضًا العشرات.
فيما وجهت الصفحة رسالة قائلة: "رسالة لكل واحد دلوقتي قاعد ينقل شائعات وأخبار غير مؤكدة.. لكل واحد قاعد بيكتب تعليقات بتبرر مقتل أي مصري سواء كان من الجيش أو من المتظاهرين.. لكل واحد بيشعل نار الفتنة بين المسيحيين والمسلمين وبيشاور بأصابع الاتهام لغيره لمجرد اختلافه معاه في الدين.. افتكروا حاجة واحدة بس: دي بلدنا كلنا، واللي بيحصل ده مش هيضر مسلم بس أو مسيحي بس.. ده هيضرنا كلنا.. (من كان يؤمن بالله واليوم الآخر فليقل خيرًا أو ليصمت)".
كما حظرت الصفحة أي عضو لا يلتزم قواعد الصفحة ضد التفرقة بين أي مصري، واستخدام الكراهية والتحريض على العنف ضد أي مصري آخر مختلف معه في الدين، أو استخدام الألفاظ النابية سوف يتم منعه من الكتابة على الصفحة نهائيًا.