وجهت صفحة كلنا خالد سعيد علي موقع التواصل الاجتماعي فيس بوك رسالة لجميع المصريين لحثهم علي التزام الصمت التام حول أحداث «ماسبيرو» حتي لا يشتعل فتيل الفتنة. وقالت الصفحة إن هذه رسالة لكل واحد ينقل شائعات وأخبارًا غير مؤكدة، ولكل واحد يكتب تعليقات بتبرر مقتل أي مصري سواء كان من الجيش أو من المتظاهرين، لكل واحد بيشعل نار الفتنة بين المسيحيين والمسلمين وبيشاور بأصابع الاتهام لغيره لمجرد اختلافه معه في الدين، افتكروا حاجة واحدة بس دي بلدنا كلنا، واللي بيحصل ده مش هيضر مسلم بس أو مسيحي بس، ده هيضرنا كلنا». وأعلنت الصفحة حالة الحدادوقامت برفع صورة سوداء كتب عليها كلمة «حداد» ويظلها ألوان العلم المصري علي أحد جوانبها، وأعربت الصفحة عن بالغ أسفها تجاه ما حدث بالأمس قائلين: «النهاردة يوم حزين لمصر كلها ووفاة أكثر من 20 مصريًا تحتم علينا إننا نكون علي قدر المسئولية ونحترم مشاعر غيرنا. كما شددت «خالد سعيد» علي أعضائها بالالتزام بقواعدها ضد التفرقة بين أي مصري واستخدام الكراهية والتحريض علي العنف؛ «أي عضو علي الصفحة مش هيلتزم بقواعد الصفحة اللي ضد التفرقة بين أي مصري واستخدام الكراهية والتحريض علي العنف ضد أي مصري «تاني مختلف معاه في الدين أو استخدام الألفاظ النابية هيتم منعه من الكتابة علي الصفحة.