أعرب مانويل جوزيه المدير الفني للنادي الأهلي عن حزنه الشديد لأحداث بورسعيد، مؤكدا: "البلد دي عمري ماهسيبها علشان بحبها بجد". وتابع في حواره مع الإعلامي أحمد شوبير: "مش عارف إيه اللي حصل وليه حصل.. بلدكم دي مختلفة عن أي شعب.. أنتم بتحبوا بعض وبتخافوا على بعض.. تركيبة المصريين غير شعوب العالم كله". وأضاف جوزيه أنه يعشق مصر والأهلي ولن يتخلى عن ناديه، مشيرا إلى حزنه الشديد لما حدث قائلا: "أنا بحب البلد دي وبعشق المصريين وصعبان علي اللي حصل مع جماهير الأهلي التي تعشقني". وعن لاعبي الأهلي قال البرتغالي الذي بدا عليه التأثر الشديد: "أنا لو مكان اللاعيبه صعب ألعب كورة تاني لأن حالتهم النفسية سيئة جدا". وتطرق لأحداث بورسعيد قائلا: "أنا كنت واقف في الملعب ومهربتش .. والناس اللي ماتت كانت بتحبني" وأكد المدير الفني أنه سيسافر البرتغال في إجازة على أن يعود يوم 17 من الشهر الجاري، قائلا: "أنا راجع مصر تاني علشان بحبها". جدير بالذكر أن مانويل جوزيه قد تبرع اليوم بمبلغ 375 ألف جنيه لصالح أسر الشهداء. *