صاحب ولاد الناس وامسك في ابن الأصول هو اللي يفضل جنبك مهما الزمن بيطول هو اللي وقت الشدة يدي لك عيونه ولا عمره هيعايرك و لا هيفكر يقول عجبي أنا يا زماني اكتفيت من غدرك واكتويت تشوفني باضحك ضحكة رايقة مع ان عمري ما يوم نسيت عجبي سألني صاحبي سؤال وقال لي فكر فيه تعرف منين الحب وازاي وفين تلاقيه؟ عينيك تشوف الحبيب مافيهش ولا عيبة ولو ظهر له عيوب تجري القلوب تداريه وعجبي حبِيب وعامل مسابقة في حياته الحالمه مين تبقى السندريلا والأميرة النائمة لما لقاهم فِرِح ويافرحة ما تَمت قالوا مكاننا الكتب مش الحياة المؤلمة وعجبي جرح القلوب واعر يا قلبي يا شاعر جرحك مالهش طبيب كسرك مالوش جابر عجبي قالوا لها شكلِك سعيد و ضحكتك مبهرة أكيد دة حب جديد جعل الحياة مثمرة قالت سعادتي هنا في قلب راضي جميل مش لازم ظل راجل عشان أكون مُزهرة وعجبي