محاولات وليدة لتقليد صلاح جاهين في الرباعيات رباعيات القلب الأولى: عصفور عبيط طاير يحلق في السما من كلمة حلوة ف لحظة حلوة ف يوم هنا لقيته فجأه من المفاجأة المحزنه واقع يرفرف …قلت دة قلبي انا وعجبي رد الصديقة الشاعرة ايمان محمد Eman Muhammad عصفور جميل صافي و بريء ما هوش عبيط لكن رقيق طاغي جماله في الفضا من كلمة حلوة يحسها لانه حلو زيها و قلبه اللي رفرف م المفاجاة صدقه بيمحي كل زيف. 2 ياما انا حذرت قلبي من الفرح اوعاى ترقص من السعادة والمرح مش راح يدوم وهييجي يوم نفسك تلوم علشان غشيم سايب مشاعرك تندبح وعجبي 3 ماانتاش قد الحزن يا قلب صدمة وجرح و هم و غلب خليك في اللي بتفهم فيه حلم الشعر و شغل الطب وعجبي 44 صدقت ياقلبي كدة انك حمار؟ بتهيم في حلم الليل كأن مالوش نهار صدقت ليه الحب اصلا له وجود دة خرافة زي السندباد و شهريار وعجبي 55 نصحت قلبي كتير وقلت ماتحبش وان فات عليك الهوي أثبت ماتتهزش قال مش بأيدي أن الهوى غلاب تقدر تقول للأرض ماتلفش؟ عجبي 6 ناس حبها بزنس بتديره بمهارة تسقي الحبيب ودها لكن بقطارة ازاي حبايبهم بالظلم دة راضية راضية وسعيدة كمان أتاري دي شطارة عجبي 7 فيه ناس قلوبها هوا تبرد و تسخن قوام يفوت عليها الهوى تصحى وترجع تنام وناس قلوبها ورود تحييها قطرة ندى تقطفها ايد الحبيب تقتلها باستسلام عجبي