إوعى تفاجئني يا زمن خلاص مافيش مفاجآت متوقعة كل المحن متعلمة الدرس اللي فات هنتفق و نختلف نفضل كدة لحد الممات هي الحياة كدة وكدة نفرح ساعات نحزن ساعات توعد وتخلف الوعود ونعيش معاك مهاترات فاهمين اوي غدر الزمن قاريين جميع المعطيات ساعات تزين عمرنا نحلم معاك بمعجزات وفجأة تقلب سحنتك تنسف جميع الانجازات تجيب معاك حبة وجع يفوت قوام ويا الاهات لو قلنا لك تبعت فرح هتقول منين الفرح مات