صباح الخير على اصدقائى وصديقاتى فى نسايا هانم ايام زمان كل عام وأنتم بخير بمناسبة العام الجديد ربنا يجعله عام خير وسلام ومحبه وآمن وآمان يارب راح احكى لكم قصه جديده عن مثل من أمثالنا القديمه وطبعا تحدثنا من فتره عن مثل من الأمثال الشعبيه وهو عرفت فلان أيوا عاشرته لأ يبقى متعرفوش الان مثل جديد (((قديم))) وهو السلف تلف.....والرد خساره اقول لكم بقه قصتى مع السلف تلف فعلا والرد خساره اكيده قصتى تبدأ مع جاره لى فى العماره طلبت منى غسالتى الوسط بالغلايه وطبعا شافتها وهى جايه مع ديب فريزر وعارفه ان عندى غساله فول أوتوماتيك ولو طلبت الغساله العاديه اكيد مش هكسفها خصوصا وللأسف مفيش تجارب مع الجيران او علاقات وديه بيهم لقلة الوقت وطبعا اعطيتها الغساله غسلت ورجعتها لى فى نفس اليوم طيب جميل جدا وبعدها بأسبوع اخدتها تانى وتكررت الشغلانه يجى شهرين وفى ذات المرات قلت اجيب أغسل المفارش البيضاء فيها بعد ما أغلى الماء وأخد ورأهم بنطلونات الأولاد وكانت جابتها لى اخر مره وقعدت شهر لم تطلبها وجيت املائها لقيتها بايظه وبتنزل الميه من النصف اى بوظت لى الماتور والحمد لله وبعدها بشهر آخر طلبتها منى على اساس اكون صلحتها فأقسمت لها انى للأسف لم اصلحها ودا كان غلط منى لانها وقتها كانت فى الضمان اما عن غسالتى الاوتوماتيك الحمد لله جابت اخرها وطبعا غسلت على ايدى ملابس الاسبوع بحاله وقلت لنفسى فعلا لو ما كنت سلفت غسالتى لجارتى كانت نفعتنى فى هذا الوقت وانطبق على مثل السلف تلف والرد خساره مع تحياتى اختكم نسايا هانم ايام زمان