الهاش تاج هي علامة توضع على تويتر لتكون إشارة لموضوع، أي شخص يكتب في نفس الموضوع يضع # بجانب العنوان، وبذلك عندما تبحث عنه في تويتر تجده، هذه المرة نتناول هاش تاج "#WhyIWillMarry " أو "أنا ليه هتجوز"، والذي بدأه الشباب على تويتر وامتلأ بالأسباب التي وضعوها لتفكيرهم في الزواج.. عمرو صلصة: عشان ابويا كان دايما يقولي ملكش دعوة باختك اروح مخلف انا بنت ويبقي ليا دعوة بيها انا وابني ونطلعه عليها بقي .. إيمان عوض: عشان في اوقات في حياتي هبقي محتاجه حد اسند عليه ويستحملني يارب اقدر احسن الاختيار درية: عشان انتقم للستات من جوزى و من ابنى لو خلفت ولاد .. المساواة فى شغل البيت بين افراد البيت كلهم ميرال الهلباوي: عشان اعرفه ان مراته مش الشغالة اللي جابتهاله امه .. تأديب و تهذيب و إصلاح دينا يسري: عشان اجيب لبن وكل ما اصحى من النوم أعرف اشرب قهوة بلبن عشان عندنا اللبن بيتسف مبيلحقش يقعد في التلاجه نسرين: اصلى عندى عقدة بحب افعس فى العيال الصغيرة فا عايزة اخلف عشان افعس فى ولادى جوزفين ممدوح: عشان يجيبلي عربيه وكمان عشان محدش يقول عليا عانس مصطفى ملوكي: عشان اجيب عيال و اقطع عنهم المصروف...و دينى لأقطع عنكوا المصروف...! غدير أحمد: عشان عاوزة استقل عن بيت اهلى وفي المجتمع المريض دا مينفعش البنت تستقل من غير ماتتجوز , فاقررت اتجوز كوسيلة للاستقلال. فادي فتحي: عشان اشوف ف واحده هتقدر تستحمل قرفي ولا لا .. و نفسي ف واحده ادلعها يعني. مهندس عمرو: عشان عايز اموت بدري إسلام محمد: عشان يطلعلي كرش واتخن وابطل العب كورة تاني .. علشان امي تستريح. محمود مقلد: عشان بقى اعرف اغلس عليها براحتي..والاقي حد لما ابقى مخنوق اتخانق معاه لما ابقى مبسوط اغتت عليه هوا الجواز ايه غير الحاجات دي. أحمد حمدي: عشان اخلف عيال تنطط على كرشى وانا باكل فشار اودام التلفزيون زى هومر سيمبسون سحر: عشآن آركب في آلسيآرة قدآم إسلام يحيى: عشان اموت ناقص عُمر !! غادة: عشان نلعب لعبه مزعه السعيده الى ع فيس سوا. أشرف عواد: عشان اخلص من التحكم الاسرى و أشوف حالى بقى و اتحكم انا شوية فى الاسرة. محمود مقلد: عشان اعمل ال انا عايز اعمله من زمان رامي: عشان الاقى حاجة احضنها بدل المخدة محمد مصطفى: علشان انقذها من العيلة الفلول اللي واقعة فيها واترحم انا من العيلة الأخوان فاطيمة محيي: عشان اعمل مهمة على اصحابي واني مشغولة بقى وعندي حياة مش مقضياها سنكحة معاهم بس أرنوبه: عشان البس دبلة اغيظ بيها صحابى كلهم. عبد الرحمن سليمان: عشان سمعت ان موقع بورن هب احتمال يبقى بفلوس فمش طالبة ذل يعنى. أسامة الشبراوي: علشان مش كل شويه واحده ست حشرية تقولى عندى ليك عروسه. الرفيقة أم عطيات: عشان اخلص من التحكم الاسرى و أشوف حالى بقى و اتحكم انا شوية فى الاسرة عبد الله هاشم: عشان ابطل اقرأ اخبار كيم كرداشيان. محمود: عشان اثبت لامي ان فيه بنات بتستحملني..كل ما تقولي انت مفيش واحدة تستحملك ببقى عايز اقولها مانت مش عارفه حاجة. رضوى: عشان يساعدنى فى اللحظة اللى بكون فيها شايلة 4 شنط و 15 كتاب و موبايلين دى..بفقد اعصابى و بتمنى حد ارميله الحاجة فى وشه وامشى. مصطفى أحمد: سلو بلد نا كده. روزا أحمد: عشان اعوض صورة الصباع البلو ويبقى فى ايدى الدبله بالمرة. درية: عشان انتقم للستات من جوزى و من ابنى لو خلفت ولاد .. المساواة فى شغل البيت بين افراد البيت كلهم. أحمد العسوي: علشان تشيلي هدوي الي مرميه ف كل حته. معتز أبو المجد: شان ابطل اجيب هدية فى الفلنتين. هشام محمود: نفسي أعرف أنا هبقي راجل البيت زي أبويا كده .. ولا هبقي خروف وهي هتمشيني زي رمضان حما أخويا ؟!.