في السطور القادمة يمكنك متابعة ردود فعل المثقفين والكتاب والسياسيين والفنانين وحتى بعض الشباب لحظة بلحظة، بدون أن تحتاج للبحث ورائهم في الفضائيات ، تعالوا نعرف كل ما كتبوه على تويتر في الساعات الماضية.. د. محمد حبيب: حسنا فعل الإخوان المسلمون باحترامهم لحكم محكمة القضاء الإدارى وعدم الاستشكال عليه، ولو سحبوا ترشيحهم لخيرت واصطفوا وراء أبوالفتوح لكان خيرا عصام سلطان: يتكلمون عن المبادئ الدستورية وينسون ان مصدر الدساتير كلها هو دستور الثورة الفرنسية التي أهدت العالم مبادئ الحرية والعدالة والمساواة خالد النبوي: أتساءل ونحن نلبى نداء اذان الصلاه خمس مرات فى اليوم الم يحن موعد اذان العدل فى هذا الوطن؟ عمرو موسي: أسمع الشائعات كل يوم وأجد فيها الكثير من الافتراء والاختراع والاجتراء بدون أي ضابط أو رابط،ليس هكذا تدار الانتخابات! دائماً ما أردد أن"يا أيها الذين آمنوا إن جاءكم فاسق بنبأ فتبينوا" لأني لا أتحرك إلا بمعلومات موثقة ولا تؤثر فيّ الشائعات. أحمد ماهر: رب ضارة نافعه، افتكر الكلمه دى لما تسمع اسم عمر سليمان ولما تفتكر مسار الثوره، وافتكر ان فيه ثورات قعدت 10 أو 20سنه لغاية ما نجحت أحمد العسيلي: أتمنى نوّاب البرلمان يكونوا أدركوا حجم فشلهم في اختيار أعضاء الدستورية؛ عندكو فرصة تانية، واديكو عالمسرح بنتفرج عليكو! من أحمد سبايدر للإخوان: لو أنكم بالفعل تريدون منع سليمان من الوصول لمنصب الرئاسة .. فعليكم بإقناع الشعب بكم وببرامجكم ..أو انكم تتهمون سليمان بالفساد فعليكم أن تخرجوا دليلكم ..... ومادام انتم تعلمون انه قتل الثوار لماذا صبرتوا على قتله للثوار كل هذه للمده؟ لانكم كاذبوووون عمرو خالد: اختر كلامك قبل أن تتحدث وأعط للاختيار وقتاً كافياً لنضج الكلام فالكلمات كالثمار تحتاج لوقت كاف حتى تنضج. عمرو واكد: حالياً المسرحية الهابطة تنين: خاتم سليمان يتحدى عفريت البرطمان. مش هتقدر تنفد برجليك! أسماء محفوظ: مبادئنا كانت تعبانا اووي قبل الثورة وبعد الثورة قلت اخيرا الواحد يرفع راسه بقى، لقيت المباديء بتقتلنا وبقت اضحوكة ما بعد الثورة وبقت "افورة" عزيز الشافعي: تفتكروا بعد حكم المحكمة هنسمع الجملة القذرة بتاعة زمان دي تاني : المجلس سيد قراره ؟؟ باسم كامل: شكرا عمر سليمان لأنه ذكرنا بأن فى مصر ثورة تحتاج إلى إنقاذ من عبث المهرجين وحماقات الهواة وأطماع المنتفعين وفذلكة المدعين بجد شكرا بلال فضل: يخرب بيت إدمان السلطة. مش بتخلي الواحد ينسى الماضي القريب لا ده كمان بينسى الواقع اللي شايفه قدامه. وتغور البلد بقى ومصلحتها عشان إدمانه باسم يوسف: قلتها قبل كده أتمنى رجوع ابو اسماعيل للسباق أي حد الا عمر سليمان ولو فيه حكم نهائي ان مافيش جنسية مش ثغرة قانونية هو على راسي من فوق حمزة نمرة: النهاردة وصلت لندن وأول حاجة عملتها: روحت منزل آل مبارك.. وخد مني اللي فيه القسمة. محمد فتحي: الوقت أزف فهل نحن مستعدون.. اتحدوا أو البسوا.. قفوا ضد عمر سليمان وشفيق ومن على شاكلتهما..مصر اللي جاية لازم تبقى نظيفة بجد.. نوارة نجم: هم كل المرشحين عاملين انبيا علينا ليه؟ حد قالهم اننا بنعبد فرع شجرة وبنلف عريانين حوالين النار؟ سيمون: يا وحشني رد عليا ازيك سلامات سلامات انا احبك اد عنيا والعمرفي حبك فات سلامات مش سليمان!!!!! حازم عبد العظيم: الحل الوحيد لما نحن فيه ان الاخوان يتراجعوا ويعترفوا بخطأهم ونرجع نتوحد اما لو فضلوا راكبين دماغهم بغرورهم وعنجهية فارغة يروحوا في داهية وائل الإبراشي: مفاجأه يفجرها محامي أسباني :حسين سالم "فقير ويعيش بالمعونات" جابر القرموطي: سواق تاكسي بيقول لى : انت بتزعق فينا ليه كده ..زهقتنا منك ومن البلد ..دى حاجة تقرف وقعد يضحك ..ضحكت انا كمان وبعدين رفض ياخد الاجرة !!! عمر طاهر: انا نفسى بس اعرف كل واحد حسم اختياره الرئاسى عمل كده ازاى وعلى أساس إيه ؟وده سؤال جاد جدا نفسى اسمع له اجابة عبارة عن جملة مفيدة مش إنشائية
