جامع طوابع كنت في صبايا ولقيت طوابع عمرها مليم كبرت معايا وتمني أصبح كده في بوسطة البشر اللي في الألابيم وفتحت ألبومي غلبني الخوف للحزن يملي المزن في عينيه وبكيت بحكم العادة والأوقات مع بسمة ندت دمعي حنية وحنين لأيام الصبا النايمة مع ذكريات دافية في سحارة مرصوصة بين كرتون وبين شفاف زي البيوت النايمة في الحارة مع كل طابع بربشت ذكري فتحت شبابيكها علي امبارح شافت في عيني جواب شكا بكره من دمع قلب وليفه طير جارح غربني في عشي وأنا اللي بنيت وسقاني حبه كره حب البيت وهاجرت بهديلي لكعبة زمن نده اللي كنته زمان وأنا لبيت وسعيت ما بين الكهل واليافع جامع طوابع حلم مش راجع بانده عليه في مزاد بخس سعيي مين يشتري حلمي علي طابع؟ يا بيوت ألم.. سديتوا ليه ودانكو دنا حلمي كان ناشع في جدرانكو من بيت لبيت كان النفس واحد دلوقتي عاف الحلم أبدانكو حاحلم أنا والزق لكم حلمي فوق الحيطان ينشف علي ألمي وانزف في أحلامي لحد ما موت وضريحي طابع فات لكم علمي مع عجبي.
