* أختلف تماماً مع أستاذنا الكبير الأستاذ حسنين هيكل فيما قاله من أن المصريين صعدوا القمر بثورتهم ثم يكتفون الآن بطلب كيلو كباب وكفتة..!! يا هيكل بيه دى المطالب الفئوية نزلت بالسقف لأدنى من ذلك.. يا ريتهم بيطلبوا كيلو كباب وكفتة بسلطاته وبابا غنوجه.. دول لامؤاخذة بيتخانقوا على طبق مسقعة بايت.. ومن غير لحمة مفرومة كمان..!! * ياااااه.. بقى لنا 24 ساعة بحالهم ماسمعناش خطاب للأخ «الحقيد» بتاع «زنجة زنجة وبيت.. بيت».. لعل المانع خير.. يبدو أن التوك توك بتاع حضرته بعافية شوية فراح للميكانيكى بيركِّب له بوجيهات وبلاتين وكوندينسر، لأن البلاتين لدع خلاص.. طبعاً أنا قصدى التوك توك.. مش الأخ زنجة زنجة..! * حتى الفوضى والهرتلة وصلت إلى مقام فضيلة الإمام الأكبر الدكتور أحمد الطيب..! إيه الله جرى للمصريين..؟! هل وصل الحال بموظفى الأزهر الذين من المفروض أنهم يحترمون كبيرهم ويوقرون شيخهم أن يعترضوه عند دخوله مكتبه بطريقة أقل ما يقال عنها إنها بلطجة..! واضح أنهم لم يتعلموا شيئاً من أمور دينهم ولا حتى دنياهم.. فالمثل بيقول اللى مالوش كبير.. يشترى له كبير.. لامؤاخذة..!! * بصراحة الجماعة اللى اتقبض عليهم فى قضايا الفساد لازم يتحاكموا بتهمة الغباء السياسى؛ لأنهم ماشفوش فيلم أبو حلموس للعبقرى نجيب الريحانى صاحب نظرية «الشىء لزوم الشىء»..!! فحتى السرقة لها أصول.. يعنى الحرامى «الصح» من دول يسرق محفظة الموظف ويسيب له جوز جنيهات علشان يعرف يروح بيته بالميكروباص..! لكن إن الحرامى يسرق كل حاجة ويخلى الناس على الحديدة فده منتهى الغباء.. ومنتهى الأنانية.. وعدم الإحساس بالآخرين..!! يعنى بذمتكم فيه مصانع فى الدنيا بتتباع من غير مايدفع فيها الباشا الفاسد ولا حتى مليم أحمر.. إيه الغباوة دى..؟! وبذمتكم فيه بنى آدم فى الدنيا يشترى متر الأرض ب 47 قرشاً.. أى والله 47 قرشاً.. يعنى أقل من ثمن سندوتش فول أرديحى من غير زيت من عربية فول فى الدويقة..!! حاكموهم بتهمة الغباء السياسى.. واحكموا عليهم بأن يشاهدوا فيلم أبو حلموس مرتين فى اليوم.. قبل الأكل.. وقبل النوم..!! * كلمة ورد غطاها: * بذمتك مش عيب إن الجماعة بتوع حكومة ليمان طرة يعرضوا 4 مليارات جنيه علشان يتصالحوا ويطلعوا براءة ويادار مادخلك شر..؟! ** طبعاً عيب وألف عيب.. فالمبادئ لا تباع ولا تشترى..!! أنا رأيى يخلوها 20 مليار جنيه.. ونقول لهم على البركة..!!?* أختلف تماماً مع أستاذنا الكبير الأستاذ حسنين هيكل فيما قاله من أن المصريين صعدوا القمر بثورتهم ثم يكتفون الآن بطلب كيلو كباب وكفتة..!! يا هيكل بيه دى المطالب الفئوية نزلت بالسقف لأدنى من ذلك.. يا ريتهم بيطلبوا كيلو كباب وكفتة بسلطاته وبابا غنوجه.. دول لامؤاخذة بيتخانقوا على طبق مسقعة بايت.. ومن غير لحمة مفرومة كمان..!! * ياااااه.. بقى لنا 24 ساعة بحالهم ماسمعناش خطاب للأخ «الحقيد» بتاع «زنجة زنجة وبيت.. بيت».. لعل المانع خير.. يبدو أن التوك توك بتاع حضرته بعافية شوية فراح للميكانيكى بيركِّب له بوجيهات وبلاتين وكوندينسر، لأن البلاتين لدع خلاص.. طبعاً أنا قصدى التوك توك.. مش الأخ زنجة زنجة..! * حتى الفوضى والهرتلة وصلت إلى مقام فضيلة الإمام الأكبر الدكتور أحمد الطيب..! إيه الله جرى للمصريين..؟! هل وصل الحال بموظفى الأزهر الذين من المفروض أنهم يحترمون كبيرهم ويوقرون شيخهم أن يعترضوه عند دخوله مكتبه بطريقة أقل ما يقال عنها إنها بلطجة..! واضح أنهم لم يتعلموا شيئاً من أمور دينهم ولا حتى دنياهم.. فالمثل بيقول اللى مالوش كبير.. يشترى له كبير.. لامؤاخذة..!! * بصراحة الجماعة اللى اتقبض عليهم فى قضايا الفساد لازم يتحاكموا بتهمة الغباء السياسى؛ لأنهم ماشفوش فيلم أبو حلموس للعبقرى نجيب الريحانى صاحب نظرية «الشىء لزوم الشىء»..!! فحتى السرقة لها أصول.. يعنى الحرامى «الصح» من دول يسرق محفظة الموظف ويسيب له جوز جنيهات علشان يعرف يروح بيته بالميكروباص..! لكن إن الحرامى يسرق كل حاجة ويخلى الناس على الحديدة فده منتهى الغباء.. ومنتهى الأنانية.. وعدم الإحساس بالآخرين..!! يعنى بذمتكم فيه مصانع فى الدنيا بتتباع من غير مايدفع فيها الباشا الفاسد ولا حتى مليم أحمر.. إيه الغباوة دى..؟! وبذمتكم فيه بنى آدم فى الدنيا يشترى متر الأرض ب 47 قرشاً.. أى والله 47 قرشاً.. يعنى أقل من ثمن سندوتش فول أرديحى من غير زيت من عربية فول فى الدويقة..!! حاكموهم بتهمة الغباء السياسى.. واحكموا عليهم بأن يشاهدوا فيلم أبو حلموس مرتين فى اليوم.. قبل الأكل.. وقبل النوم..!! * كلمة ورد غطاها: * بذمتك مش عيب إن الجماعة بتوع حكومة ليمان طرة يعرضوا 4 مليارات جنيه علشان يتصالحوا ويطلعوا براءة ويادار مادخلك شر..؟! طبعاً عيب وألف عيب.. فالمبادئ لا تباع ولا تشترى..!! أنا رأيى يخلوها 20 مليار جنيه.. ونقول لهم على البركة..!!
