عبر الإعلامي عمرو أديب عن استياءه الشديد من طريقة التعامل مع السفارات الأجنبية التي أعلنت إغلاقها أمس الاثنين، بسبب القصور الأمني في المنطقة المتواجدة بها، وهي سفارات "كندا وأمريكا وبريطانيا وألمانيا". وقال أديب خلال برنامج "القاهرة اليوم" الذي يقدمه على قناة "اليوم": "أنا بحذر بس من الأول إن الكلام اللي هقوله مش هيعجبكم في موضوع السفارات .. معلشي ليا رأي غير كل الناس أنا اسف يعني وممكن أكون غلط.. إنت عندك السفارة البريطانية والسفارة الكندية في مصر والسفارة الأمريكية موجودين في مكانهم منذ عشرات السنين وبقالهم سنين الدنيا مقفولة والأسمنت محطوط والطوب محطوط والمنطقة ملتهبة.. لو انت مسئول أمني أو رئيس جمهورية وجالك حكم قضائي برفع الأسمنت والحواجز من هذه المنطقة هل انت هتنام بالليل مبسوط؟ هل وزير الداخلية سعيد بهذا القرار؟ وهتنام بالليل مبسوط؟.. هل وزير الداخلية سعيد.. طبعا لأ". وأضاف أديب "اللي مستاء منه هو النبرة الموجودة في الإعلام وتعليقهم على القرار بأنهم يبتزوننا بهذا القرار.. عندك ايه يبتزك عليه؟ وهو عايز منك ايه؟.. هو بيقولك أنا الأمن بتاعي في خطر معندوش هذار ومينفعشي يبقا عنده خلل أمني". وتابع "أنا عايز أسال سؤال وبكل صراحة.. انتو عايزين الناس دي ولا مش عايزينهم؟.. تيجي في وقت وتقول الاسستثمارات البريطانية رجال الأعمال الكنديين الاستثمارات الكندية عايز الناس دي ولا شايفهم أعداء لو شايفهم أعداء قوله يمشي بكره". وقال معلقا على الوجود المكثف لقوات الأمن في الشارع المتواجد فيه السفارات "إيه المنظر الصعب ده؟ انت بتقولي انزل مصر دي.. كان الأول كويس.. هو ده مصر الأمن والأمان.. هو هيبتزك ليه هو طالب منك فلوس هو طالب منك حاجه؟".