هاجم إبراهيم سعيد، نجم الأهلي السابق، خالد الغندور، لاعب الزمالك السابق، بسبب تصريحاته عن إمام عاشور، لاعب خط وسط الفريق الأول لكرة القدم بالنادي الأهلي. وقال إبراهيم سعيد، إذ تصريحات تلفزيونية عبر فضائية «النهار»: «خالد الغندور، قال في برنامجه (إمام عاشور، قال للاعبي الأهلي عايزكم تثقوا فيا زي الاول إني هفيد الفريق)، هما بيلعبوا خماسي عشان إمام عاشور، يقول كده! التصريحات دي ممكن الجمهور يصدقها لكن إحنا كلاعيبة كورة منصدقهاش». وأضاف: «احنا مش مصدقين التصريحات دي وإنت نفسك أكيد مش مصدقها، إنت عرفت منين إن إمام عاشور، راح قال للعيبة الأهلي الكلام ده؟ أنا كلاعب هلف على اللعيبة هقولهم ثقوا فيا! الكلمة دي تفقده الثقة، الكلام ده ممكن بعض الجماهير تصدقه ولكن احنا عمرنا ما نصدقه». وأتم: «لو إمام عاشور، بيلعب خماسي مش هيقول كده، الكلام ده مينفعش يتقال، الكلام ده مش في الكورة».