انتقدت رابطة ألتراس «وايت نايتس»، المنتمية لنادي الزمالك، رفض وزارة الداخلية إقامة لقاء الفريق الأبيض أمام سموحة، مساء اليوم السبت، في نهائي بطولة الكأس، بحضور الجماهير. وأصدرت الرابطة بيانًا على صفحتها الرسمية بموقع «فيس بوك»، قالت فيه: «إحنا عارفين إن هو ده تمامكم فعلًا، إنتوا فعلا أكتر هشاشة من إنكم تأمّنوا ماتش، أكتر هشاشة من إنكم تتعاملوا مع أي حاجة وتنجح أو تفهموا إيه دوركو أصلا». وأضافت: «إحنا كنا مدركين ده تمامًا عشان كدة طالبنا بإبعادكم عن الكورة، إحنا مدركين الحالة النفسية الصعبة اللي أفقدتكو صوابكو لغاية دلوقت، بس حاولوا، يعني حاولوا تحسسونا أن الداخلية اللي ضدنا، ضدنا لأنها قوية ولما بتمنع بتلغي النشاط الرياضي كله، لأن هو ده كده كده اللي هيحصل في حالة استمرار منعنا، مش وزارة كاملة مسحولة في تبرير المنع تارة والوعود تارة، وشغل النشالاين ده! اخشوشنوا كده واطلعوا قولوا إنكم قضيتوا على الإرهاب وحليتوا كل مشاكل البلد بس الناس اللي هناك دول بلاش منها، فين أيام التشويه الجميل؟».