حل الفنان أكرم حسني ضيفاً على برنامج "Sold Out" تقديم الإعلامي محمود سعد والذي تحدث خلاله عن العديد من التفاصيل الخاصة بحياته الشخصية والفنية. وتحدث أكرم عن نجاحاته في الدراما التليفزيونية خلال السنوات الماضية، إلى جانب تأثره برسالة لاعب نادي ليفربول محمد صلاح أثناء عرض مسلسله "مكتوب عليا" والذي عرض بموسم رمضان 2022. ومن أهم التصريحات التي أدلي بها "أكرم حسني" أمنيته من أن يصبح فناناً منذ الصغر قائلاً: "وأنا صغير كنت حاسس أني عايز أبقى فنان، فنان بعمل ايه مش عارف بحب الفن بتشد للسينما والمسرح والأغاني وكل فلوسي كانت رايحة على الشرايط". واستكمل "أنا مش ضد أي نوع من أنواع الفن، المهرجانات تمام، الراب والتراب تمام الغنا الكلاسيكي تمام، إيه المشكلة أن يبقي عندنا أشكال من الفن، وأنا بشوف اللي بقدمه للناس الهدف الأول منه هو التسلية، يعني لما بكون بعمل حاجة مش بدور على الفكرة اللي ورا العمل، أنا لو عملت حاجة والناس ضحكت واتبسطت ده تمام بالنسبة لي وده أصعب كتير إضحاك الناس دي حاجة صعبة جداً". كما تحدث أكرم عن علاقته بكرة القدم وعن عدد من الموقف الطريفة التي تعرض له قائلاً: "مرة كان في معسكر للمنتخب في فندق جمب مدينة الإنتاج وأنا كنت بشتغل في المكان ده ففي واحد قالي يا أبو حفيظة قولت له أزيك وكملت عشان أعرف بعد كده انه كان مؤمن زكريا". وعن رسالة نجم فريق ليفربول محمد صلاح قال أكرم حسني "واحنا بنعرض مسلسل مكتوب عليا لقيت محمد صلاح باعت لي على انستجرام بيقول لي كلام حلو ودي من أحلي الحاجات اللي حصلت لي". وتطرق أكرم حسني عن النجوم الذين يحلم بالعمل معهم موضحاً "عندي حلم اشتغل مع إسعاد يونس الست دي أنا بشوفها طاقة فنية وطاقة بهجة هي صاحبة السعادة فعلاً، ونفسي اشتغل معاها بجد". وعن علاقته بالوسط الفني قال :"أنا من مواليد 74 يعني عندي 48 سنة بسمع أغاني من وأنا عندي 7 سنين واتربيت على محمد منير وحميد الشاعري، وعبدالحليم وأم كلثوم".
