أثارت الفنانة بشرى، جدلًا واسعًا، على مدار الساعات الماضية، بشأن أغنيتها الجديدة "كوبرا"، حيث اعتبرها البعض بأنها ترد على الفنان محمد رمضان، لاسيما بعد ادعاءه بأنه "نمبر وان" و"الملك". وعلى الرغم من اقتراب الأغنية إلى المليون مشاهدة، قبل مرور 24 ساعة من طرحها، لكن آراء الجمهور، شهدت تباينًا كبيرًا بشأنها، والتي تقول كلماتها: "لو فاكر نفسه إن لوحده جوا النادي.. ده فيه ملوك كتير دخلوا قبله من سنين.. كل الكلام يا عيني قاله على الفاضي.. ده محصلش رقم 70". ويقول حساب يدعى "نورا حسن"، تعليقًا على الأغنية عبر صفحة "بشرى" على موقع "فيس بوك": "عنده حق محمد رمضان والله لما قال إنه نمبر وان الصراحة.. رايحين لفين ده أنا الملك، بشرى متغنيش تاني"، فيما قالت "دعاء": "أنتي لسه فاكرة تردي عليه؟.. أنتي كنتي نايمة ولسه مصحينيك ولا إيه؟". وطالب أحمد جابر، بشرى، بقوله: "خلتيني هروح أسمع أغنيته أنضف اللي قولتيه"، بينما قالت نورهان الحديدي: "مش لطيفة أبدًا كل اللي بيطلع يتكلم عنه محروق عشان مش عارف يبقى زيه، كلكم عاوزين توصلوا على حساب محمد رمضان.. هيفضل مختلف عنكم عشان مركز في نفسه مش في غيره" وأعربت "أمل"، عن استياءها من استخدام الحيوانات في الأغاني، حيث قالت: "ممكن تبعدوا الحيوانات و تحديدًا اللي مكانهم في البرية.. بعيدًا عن الشغل الفاضي بتاعكم ده؟.. عشان مش ناقصين الصراحة دي"