تطرق الداعية خالد عبد الله في برنامجه "مصر الجديدة" على قناة الناس، إلى حوار دار بين الإعلامي ورئيس تحرير جريدة "الوطن" مجدي الجلاد وبين الفنانة هالة فاخر في برنامجه الرمضاني "لا تراجع ولا استسلام"، وتناول تعليقها على فقرة تظهر فيها صورة الرئيس مرسي وصورة ممدوح إسماعيل، النائب السابق وصاحب سابقة رفع الأذان تحت قبة البرلمان، وبطريقة عبدالله المعتادة قال "هنروح نشوف فيديو مع السيد مجدي الجلاد صناعة أمن الدولة لدخول الصحافة، ولسوء أدبه كان قليل الأدب قوي مع ممثلة بتاعت سمنة، اللي بتفكر إنها لما تحط طرحة على دماغها هتبقى صحابية من صحابيات النبي". وأذاع المشهد الذي يتلخص في أن "الفنانة هالة فاخر مع عرض صورة الرئيس محمد مرسي تضحك بشدة وتقول معرفوش، يقول مجدي الجلاد: بس الشعب اختاره .. 13 مليون اختاروه، تجيب هالة فاخر: شعب إيه؟ اللي خدوا زيت وسكر؟"، ثم تعرض صورة النائب ممدوح إسماعيل فتبدي رفضها لرفعه الأذان داخل مجلس الشعب، ثم تعرض صورة المرشح أحمد شفيق فتقول: حبيبي.. بحبه جداً، يقول الجلاد: متضايقة أنه مش موجود في مصر؟ فأجابت: أه مضايقة جدا". يعود خالد عبد الله ويقول "العشنق ذو القفا العريض مجدي الجلاد، والعشنق هو الطويل الأحمق، تخيلوا بيتكلم عن رئيس جمهورية مع ممثلة درجة ثالثة بهذه الصورة وبتهين ال 13 مليون مواطن وتقول "الشعب اللى كان بياخد زيت وسكر، شوفوا قلة الأدب، لو كان الرئيس حاليا حسني مبارك راعي الفن والرياضة والله العظيم كانوا خدوا بالجزمة على دماغهم، ولا قدروا ياخدوا كده، إنما لأن الرئيس محمد مرسي راجل مؤدب وعايز يحط إيده في إيد الجميع ويشتغل، "السواقط" يشتغلولنا". ويخلص إلى الجلاد فقط قائلا "اسألوا مجدي الجلاد إزاي بقى رئيس تحرير المصري اليوم، وإزاي لقى السبوبة أكتر في الوطن فراح عشان "الكاشات"، لأ وينصب على الناس ويقول أنا أديت رسالتي في المصري اليوم، هي إيه رسالتك؟ إيه رسالة مجدي الجلاد؟، اللي لو كان لو كتب مقال لمح فيه كان اتأدب، فاكرينه ده بتاع المعارضة الديكورية؟ كان بيكتب مقالات بإس (تحريض) أمن الدولة، كان بيقولهم سيبوا متنفس عشان الناس تحس إننا معارضين". ويتابع عبدالله هجومه "كانوا الصحفيين في المصري اليوم لو كتبوا مقال يكشفوا فيه فساد النظام السابق وحاشيته كانوا اتركنوا، ورئيس التحرير يلغي العمود بتاعهم ويجيب ناس بيسبحوا بحمد النظام". وأسهب الداعية في الرد على كلمات هالة فاخر "شوفوا قلة الأدب .. بتقول أول ماشافت صورة الرئيس مرسي "أنا معرفتوش".. هتعرفيه غصب عن عين اللى خلفوكى لما الدولة تستقر". وتابع "الشعب هو اللي يستحق كان بيدفع فلوسه في السينمات ويتصل على البرامج ويموت فيكم" ولما جت صورة التاني أحمد شفيق تقول "حبيبى".. الفساد والملفات اللى عند النائب العام والنائب علي ونيس خد 15 يوم في ساعتها، وما قيل عن بنت غادة عبد الرازق من بعض العاملين هناك بتاخد إيه وبتتعامل إزاي". وأضاف "وبتقول إن "ممدوح إسماعيل بيأذن من غير مناسبة". سواء اتفقنا أو اختلفنا معاه أشرف منك ألف مرة لأنه دافع عن الحق والمظلومين لكن انتى عملتى ايه.. سمنة روابي .. اللى بياكلها الغلابة فقرا .. اتحداكى لو كانت السمنة دى في بيتك". ثم يوجه تعليقه إلى الجلاد قائلا "أيها العشنق ذو القفا الطويل، قال إيه مجدي الجلاد بيقول محدش يقدر يحبس حد؟ لأ بكرة لو شكلوا الحكومة وقليت أدبك هتاخد على دماغك .. بالقانون، ده مش بس عشنق وقفاه طويل لأ وبيكذب كمان". ويضيف "لو حد غيرك كان دخل جامع واستغفر ربنا وقال أنا إنسان معنديش دم بعد ما نصبت ع الناس، بطلع في الإعلام تاني بعد ما نصبت على الناس وجبت اتنين يمثلوا دور طبيب نفسي وحرامي". ثم اختتم تعليقه على الفقرة قائلا "أعوذ بالله منكم.. أراحنا الله منكم ومن أمثالكم".
