هاجم الشيخ خالد عبد الله الداعية الإسلامى من خلال برنامج "مصر الجديدة" الذى تبثه قناة الناس ، "الإعلامى مجدى الجلاد و الفنانة هالة فاخر معلقاً على الحلقة الرابعة من برنامج "لا تراجع ولا استسلام" - الذى يذاع على قناة ال CBC . وقال عبد الله ، لمجدى الجلاد "أنت صناعة أمن الدولة لكى يدخل الصحافة مضيفاُ، كان "قليل الأدب قوى فى هذا المشهد" مع ممثلة بتاعة سمنة ، بيفتكروا لما الواحدة منهم تلبس طرحة على رأسها أصبحت صحابية من صحابيات النبى علية الصلاة و السلام أصبحت الممثلة الملتزمة رضى الله عنها " على حد تعبيرة . وتحدث قائلاً: محمد أبو حامد وهسهسة جماعة الإخوان فى دماغه و "جهل مُطبّق" على رأسه . واصفاً مجدى الجلاد ب"العشنق" ذو القفا العريض و "العشنق" هو الرجل الطويل و أحمق، قائلاً: تخيلوا بيتكلم على رئيس الجمهورية مع ممثلة درجة ثالثة بهذه الصورة بتهين 13 مليون مواطن اللى محدش "رباها" تقولك أنهى شعب اللى اختاره الشعب اللى كان بيروحله زيت وسكر ، تخيل شوفوا قلة الأدب على حد قوله . مضيفاً كان حسنى مبارك راعى الفن و الرياضة و الله العظيم كانوا خدوا بالجزمة على دماغهم لو كانوا قالوا كده على حد قوله . مشيراً ، إلا إن الرئيس محمد مرسى رجل مؤدب ،و عايز يشتغل وبيمد ايده لكل الناس عشان يشتغلوا . وأضاف خالد عبد الله قائلاً: "السواقط يشتغلن" فى صحفيين كثيرين شرفاء جداً ،موجهاً حديثه للجمهور ، اسئلوا مجدى الجلاد كيف أصبح رئيس تحرير "المصرى اليوم" وكيف السبوبة أكبر فى تحرير "الوطن" مع محمد الأمين راح عشان "الكاشات " ، على حد قوله . مضيفاً ، ينصب علينا ويقول أديت رسالتى فى "المصرى اليوم" هى كانت ايه رسالتك فى "المصرى اليوم" ؟ وايه رسالتك فى الوطن ؟ . وقال عبد الله ، مجدى الجلاد اللى لو كان كتب مقال فيه تلميح كان أتأدب فى المعارضة الديكورية يكتب مقالات بإس أمن الدولة ، عشان المتنفس ويقول سيبونا نخبط لكن مش هنخبط فى الرئيس بس نخبط عشان الناس تحس إننا معرضين .
مؤكداً فى صحفيين شرفاء فى الأخبار و الأهرام و الجمهورية وعندما يكتب مقال فى الخفاء يكشف فيه فساد النظام وحاشيته الفاسدة كان على طول رئيس التحرير يقولهم مع السلامة وميكتبوش تانى والعمود يختفى ويجيبوااللى بيسبح بحمد النظام . وأضاف عبد الله قائلاً : "شوف قلة الأدب أنا معرفوش هتعرفية "غصب عن اللى خلفوكى" ان شاء الله لما الدولة تستقر ، أمثالكم هيعرفوا مكانهم الحقيقى مضيفاَ شعبنا اللى يستاهل ،لأنه كان بيصرف على الفن و على السينمات وعلى البرامج يتصل يحيىكوا ويموتوا فيكم على سمجاتكم وقلة أدبكم على حد قوله . وقال لما تتكلمى عن انسان مسلم محترم ، فضلاً إنه رئيس جمهورية وتيجى صورة التانى ، فى اشارة ل"أحمد شفيق" تقول "حبيبى" الفساد عمرة أبو ظبى ،ملفات الفساد التى ذهبت للنائب العام ولم يعرف عنها أحد شئ ، وعلى ونيس ، فى خلال 15يوم اتحكم عليه على حد قوله .