تصدرت أسما شريف منير حديث السوشيال ميديا منذ أيام، وذلك بعد خروجها في فيديو عبر حسابها الرسمي بموقع تبادل الصور والفيديوهات انستجرام، تكشف عن تغييرها بشكل كبير بعد رؤيتها للمشاهد المأسوية التي تتعرضه لها غزة خلال الفترة الحالية من قبل العدوان الإسرائيلي، وصدم الفيديو العديد من متابعيها خاصة وأن "أسما" معروفة بجراءتها الشديدة. أسما شريف منير تلتزم بالصلاة وأشارت ابنة شريف منير في الفيديو الذي نشرته عبر موقع انستجرام بانتظامها في الصلاة ومحاولتها في التقرب إلى الله، وذلك بعد الأحداث المروعة التي يمر بها أشقائنا في فلسطين الأن، مشيرة إلى أنها تفكر في اللجوء إلى ارتداء الحجاب بعد الإلتزام الكامل في الصلاة دون رجعة، خاصة وأنها تلتزم تم تلهى في حياتها اليومية فتعود لنقطة الصفر من جديد. أسما شريف منير انستقرام وفي تعليق جديد لها كتبت "أسما" عبر حسابها الرسمي بموقع تبادل الصور والفيديوهات انستجرام، موضحة انتصارها على الشيطان في 12 يومًا فقالت: كل يوم أربعاء كنت بسهر مع صحابي، وكل مرة حتى لو بنبسط يوميها تاني يوم بيكون يوم وحش أوي، وكل مرة أقول مش هروح وبضعف وبروح. وتابعت: بقالي 12 يوم مرحتش وده بدأ بأني حاسة إني عمري ما هعرف أرقص وأهيص في الوقت الصعب ده وبعدين بقى إحساس ليه علاقة بيا أنا واختياراتي، روحت ل مسجد صالح الجعفري وصليت، وبعدها روحت إلى مرقد الإمام الحسين وصليت صلاة العشاء، وكان احساس بالهدوء والسكينةوكان قلبي مطمن وسعيد. تصريحات أسما شريف منير واستكملت "أسما": وأما رجعت البيت رجعت من ناحية المكان اللي كنت بسهر بيه وقعدت أسبح لفترة وحسيت وقتها اني طلعت الأولى على المدرسة واني انتصرت على الشيطان وعلى نفسي، أنا مش عشان أنا ضد السهر، خالص بس أنا ضد أنها تبقى دي محور حياتي، ويوم ثابت كده التوازن مهم في كل حاجة. واستكملت "أسما" حديثها: أنا مبسوطة أني كل شوية بفوق وبصلح وحدة وحدة، أنا بقول الكلام ده عشان عارفة إن في ناس زيي محتاجين يعرفوا إنهم مش لوحدهم، وإن هيجي عليك وقت تحس إنك محتاج تفوق وساعتها حقيقي هتكون سعيد بجد مش من برا بس ولا في السهرة بس، السعادة هتملي قلبك كله، ربنا يهدينا كلنا يا رب. اقرأ أيضا: "مش جاهزة أقابل ربنا".. 10 تصريحات غير متوقعة ل أسما شريف منير اقرأ أيضا: بعد إثارتها للجدل بحلق شعرها.. أول تعليق من أسما شريف منير
