عمرو أديب بعد هزيمة الزمالك بثلاثية من البنك الأهلي: "النادي بقى خرابة"

علق الإعلامي عمرو أديب، على الهزيمة الثقيلة التي تلقاها الفريق الأول لكرة القدم بنادي الزمالك من نظيره البنك الأهلي في بطولة كأس الرابطة بثلاثة أهداف نظيفة.
وقال "عمرو أديب" خلال تقديم برنامجه "الحكاية" المذاع على فضائية "إم بي سي مصر2" مساء اليوم الاثنين. "امبارح الزمالك اتغلب من البنك الأهلي 3-0. الزمالك في 2023 لعب 17 ماتش اتغلب في 10".
وأضاف "وهذا رقم قياسي عالمي جديد لا نتكلم على فرقة ولكن نتكلم على خرابة واللي مش مصدقني يبص للجون الثاني توريك حالة فرقة الزمالك اللي خرابة اللي محدش واقف ولا قادر يعمل أي حاجة".
وتابع "اللاعيبة بتقول احنا لسة هنجري وراك ولاعب البنك راح جاب الكرة ولعبها وجاب الجون. 3 أجوان في 7 دقائق الموضوع مش غريب اللعيبة دي انت طالب منها ايه كل يوم نازل التدريب ومش عارف مين مدربه".
واستطرد "أنت بتكلم على النادي الثاني الأكثر شعبية في مصر والوطن العربي معندوش مدرب واللاعيبة مبتقبضتش ورئيس النادي كان في السجن لا فيه إفريقيا ولا دوري ولا رابطة ولا أي حاجة".
وأردف "الموسم انتهى معقولة ده يتعمل في الزمالك بيتعمل ليه فينا كده عندك كل حاجة ليه الزمالك بيتعمل ولا عندنا روح ولا عايزة حاجة جمهور الزمالك حزين ومضايق طيب وأخرتها".
وأكمل "شوفوا اللي انتوا عايزينه ولكن هذا المشهد مينفعش. لا أعظم ولا أكبر إحنا بنتهاون ونتغلب على لوله بقينا تريقة ومسخرة مين السبب في الكلام ده".
واستكمل حديثه "ايه المؤامرة اللي معمولة على الزمالك إحنا قلب المؤامرة من جوه. وعندك وزير الشباب والرياضة موقفه مش واضح والنادي مفيهوش أي حاجة غير خناقات". متسائلًا "فين الفعل على الأرض هل ما يحدث طبيعي. هذه السنة أسوأ سنة ومفيش أسوأ من كده".