أعرب الإعلامى عمرو أديب، عن سعادته الكبيرة بخسارة النادى الاهلى اليوم، أمام فريق الأسيوطى فى بطولة كأس مصر بهدف دون رد، معقبا "حاجة تفرح ، حاجة تقول إن الحياة يوم ليك ويوم عليك". وتابع "أديب" خلال برنامجه "كل يوم" المذاع عبر قناة "on E": "الأهلوية كانوا مستنيين الدقيقة 90 عشان يجيبوا جول، الحياة بتتغير وبتقول إن كل يوم فيها شيء جديد"، متسائلا: "فين روح الفانلة الحمرا، فى لقاء الاسيوطى". وأكمل: "إحنا فى الزمالك بناخد الهدر وإحنا رجالة وبنستحمل الهزيمة، وكفاية عليكوا كده اللى بيتعمل فينا مش قليل خليكوا بقى فى خمسة حزن". وأتم: "إحنا بنستحمل الزمالك ومش بنئن ونقول عندنا مهمة قومية بنعترف بالهزيمة على عكس مشجعى الأهلى ده أنا شعرى وقع من تريقة الأهلوية عليا".