أكد الاعلامى خالد الغندورأن حجم مديونيات الزمالك وصل إلى 300 مليون جنيه جراء العقوبات والغرامات فى بعض القضايا. وأضاف الغندور فى برنامجه اللعبة الحلوة عبرإذاعة أون سبورت إف إم :" أنا قريب من مجلس الادارة ومكنتش عارف أن فى ايقاف قيد للزمالك غير من حسين لبيب فى التليفزيون ، وكنت عارف أن الزمالك خلص وليد الكرتى لاعب الوداد وقالولى هنعلن عن التعاقد مع عبد الله السعيد خلاص". وتابع خالد الغندور:" طب لما فيه ايقاف قيد تعاقدتوا مع عمر كمال عبد الواحد ليه ومحمود شبانة وحمدى النقاز وايه كمية القضايا اللى على الزمالك دى من أيام المجالس السابقة ووصلت ل 300 مليون جنيه". وتابع بندق:"لو ادارات الزمالك بتمشى صح وتدفع اللى عليها وتنهى علاقاتها باللاعبين بدون ازمات مكنش ده بقى حالنا ، يعنى عشان لاعب زى حسام أشرف وأكاديمية حتى مش نادى فى الكاميرون نتوقف فترتين قيد ، وطبعا المجلس جاب النقاز عشان عقوبته مش عشان فنياً". وأكمل الغندور:" لو ظل القيد موقوف سوف يقوم الزمالك بإعارة الصفقات الجديدة.