سخر الإعلامى أحمد شوبير، من أعضاء اتحاد الكرة، لعدم مناقشتهم للأسباب خروج المنتخب الأوليمبي من بطولة أفريقيا للشباب تحت 23 عاما والفشل في التأهل لأولمبياد 2016. قال "شوبير" خلال برنامجه "مع شوبير" المذاع عبر فضائية "صدى البلد" : "أخبار هزيمة المنتخب الأوليمبى يا فندم إيه صحيح، فاكرين اللى أنا قولته، لما حمادة يلعب ، حمادة يا حمادة يا سكر زيادة، فحمادة يجيى يقعد مع جيمى علشان يظبطوا الليلة، وده يقوله ليه يا حمادة يا حبيبى، وده يرد اصل يا جيمى يا حبيبى، ويتحرق المنتخب الأوليمبى، وتتحرق الكرة المصرية".
أضاف شوبير: "أحنا خسرنا أمتى، والمنتخب طلع أمتى، طيب اجلوها ليوم الأربع، طيب النهاردة أيه يا ولاد، النهاردة الإثنين اللي بعديه يا ولاد، هو الكابتن حمادة من ساعت ماجيه لسة ما خدش الدش، لسة ما طلعش من الحمام، والماية لسة بتش فوقيه؟! والكابتن جمى واقف مستنية بالباشكير علشان يقوله نعيماً يا حياتى نعيماً يا جميل، وبعدين يبصوا مع بعض على نتيجة المنتخب الأوليمبى".
وكان المنتخب الأوليمبي قد فشل في التأهل لأوليمبياد ريو دي جانيرو 2016، عقب الخروج من بطولة أفريقيا التي اقيمت في السنغال من دور المجموعات.