تحدث نبيل عماد دونجا، لاعب الزمالك، عن لقطة مشكلته مع إمام عاشور، لاعب الأهلي، خلال مواجهة كأس السوبر الأفريقي. ونشبت مشادة بين دونجا وإمام عاشور، لحظة احتساب حكم اللقاء ركلة جزاء الأهلي، خلال المباراة التي انتصر بها الزمالك (4-3)، بركلات الترجيح، وتوج بلقب السوبر الأفريقي. وقال دونجا في تصريحات عبر برنامج «الكورة مع فايق»: «ضربة الجزاء جت واللاعيبة معترضة، الكورة جت، فبيكلمني بقوله متكلمنيش، ارجع أنت، غلط فيا وشتمني بأهلي، مسمحش لحد يغلط في أهلي«. وأضاف: «ده مش شد وجذب، مش الصح إنك تركز في الماتش وتعمل لقطة، احنا بنلعب كورة ركز في الملعب، ألعب كورة خليك جامد وأكسب، لكن جايين الماتش أول حاجة مركزين إننا نعمل دي عشان الصورة تجبني وأنا بضحك». وأكمل: «تفكر بعد الماتش في تعليق تحطه، ما تركز في الكورة، وفي ماتش الكاس حصل نفس الكلام. ركز في الملعب متبقاش متعمد وأنت عارف إنك هتطلع بعد الماتش بترند، احنا مش ممثلين احنا لاعيبة كورة بنعرق وبنجري، مش ممثلين احنا». ايه سبب المشادة مع امام عاشور في مباراة السوبر ...اجابة جريئة من دونجا و رسالة نارية لامام يعرض الآن مجاناً على شاهدhttps://t.co/bJvqEFWvoc #الكورة_مع_فايق#ابطال_السوبر_مع_فايق#MBCMASR2 pic.twitter.com/i2j43PoiPP — الكورة مع فايق (@ElKoraMa3Fayek) September 29, 2024