فتح عمرو السولية لاعب وسط الشعب الإماراتي الحالي والإسماعيلي السابق النار على مجلس إدارة الدراويش بسبب رفض النادي للتجديد لمحمد حمص قائد الفريق بسبب الخلاف على مستحقات اللاعب المتأخرة. وقال السولية عبر حسابه على "انستجرام" : مهما اتكلمت عليك وعلى قد ايه انت انضف شخصية الواحد اتعامل معاها فى مجال الكورة واطيب قلب على قد مالواحد زعلان على انك متقدرتش فى بيتك وانك تستحق اكتر من كده ولو انت موجود فى اى مكان تانى كان اتعملك تمثال بس علشان انت محترم وبتحب النادى وملكش فى الكذب ولا النفاق اتعمل معاك كده مش من الكيان لأ من الأشخاص اللى بيمثلوا الكيان وأى حد هيزعل من الكلام ده يبقى منافق.. عمرى مهنسى بعد مخسرنا من وادى دجله وكانت اول مرة العب قصادك مش جمبك جيتلى وأنا بعيط وقولتلى متزعلش إنتوا إللى هتقوموا النادى تانى ولازم تلموا الفرقه وتعدوا المرحلة دى.. متزعلش يا حمص الكذب هو اللى بيأكل عيش اليومين دول الناس اللى بتحبك بس عارفين قيمتك بس ده حال ولاد النادى محدش بيقدرهم ، شرف لأى لاعب إنه إتمرن معاك واتعلم منك الكورة ،ربنا يكرمك فى حياتك يا خلوق".