وجه عمرو السولية، لاعب الإسماعيلى السابق والمنضم حديثا للشعب الإماراتى، رسالة لمحمد حمص قائد الدراويش السابق، عبر صفحته على موقع التواصل الاجتماعى إنستجرام. وكتب السولية، "مهما اتكلمت عليك وعلى قد أيه أنت أنضف شخصية الواحد اتعامل معاها فى مجال الكورة وأطيب قلب على قد مالواحد زعلان على إنك متقدرتش فى بيتك وإنك تستحق أكتر من كده ولو أنت موجود فى أ مكان تانى كان اتعملك تمثال بس علشان أنت محترم وبتحب النادى وملكش فى الكذب ولا النفاق اتعمل معاك كده مش من الكيان لأ من الأشخاص اللى بيمثلوا الكيان، وأى حد هيزعل من الكلام ده يبقى منافق، عمرى مهنسى بعد ماخسرنا من وادى دجلة وكانت أول مرة ألعب قصادك مش جمبك جيتلى وأنا بعيط وقولتلى متزعلش انتوا اللى هتقوموا النادى تانى، ولازم تلموا الفرقة وتعدوا المرحلة دى، بس متزعلش يا حمص الكذب هو اللى بيأكل عيش اليومين دول الناس اللى بتحبك بس عارفين قيمتك، بس ده حال ولاد النادى محدش بيقدرهم، شرف لأى لاعب أنه اتمرن معاك واتعلم منك الكورة، ربنا يكرمك فى حياتك ياخلوق". وكان حمص قد أعلن اعتزاله نهاية الموسم الحالى داخل صفوف وادى دجلة بعد سنوات من العطاء لقلعة الدراويش.