تداول عدد كبير من أنصار المرشح المحتمل لرئاسة الجمهورية حمدين صباحي علي موقع التواصل الاجتماعي - فيسبوك - فيديو يكشف عن رأي الكاتب الساخر بلال فضل في المرشح حمدين صباحي بالاشادة والثناء علي شخص " صباحي" ووصفه بالثائر الذي ضحي من أجل مصر. ويرجع الفيديو الذي تداوله ناشطون الي العام 2011م ويظهر فيه فضل وهو يثنى علي وطنية حمدين صباحي وأخرين كالدكتور محمد غنيم ووصفهم وأخرون بأن لديهم أخلاقيات وشجاعة لدي وقوفهم في وجه النظام السابق قبل سقوطه من خلال مواقفهم المختلفة. وتسأل أنصار "صباحي" عن سبب تبدل موقف"فضل" من مرشحهم للرئاسة وحملته التى يشنها ضده , ومنهم من أتهم فضل ب"المنافق" شأنه شأن الكثيرين من الجماعات الدينية التى يهاجمها , وأوضحوا أنه من الأن وصاعدا يجب مراجعة مواقف "فضل" الغير شريفة بشأن قضايا كثيرة منها هجومه المتواصل علي جماعة الاخوان المسلمين والسلفيين وغيرهم , مؤكدين عدم توافر النية الطيبة لديه . يذكر أن بلال فضل كان قد نشر عدد من التويتات علي حسابه قائلا : بعد هجوم انصار حمدين على ابو الفتوح واتهام مؤيديه بانهم خانوا الثورة وان حمدين هو المرشح الثورى الوحيد . أنا احترمت الخلفية الثورية لحمدين كتير بس واضح إنه مش قادر يسيطر على أنصاره ولذلك خلينا بقى نطلع الأرشيف طالما كله خسران يخسر بس على بينة وبعدين لما تطلبوا من أبو الفتوح ينتقد السلفيين اللي قرروا تأييده مابتطلبوش ليه من حمدين ينتقد مصطفى بكري اللي أيده ولابقى ثوري عظيم دلوقتي وبعدين بتعايروا أبو الفتوح بإن مرجعيته حسن البنا على أساس إن اللي مرجعيته عبد الناصر يبقى عظمة.أمال حكم العسكر ده مين اللي بدعه أساسا الدستور كان بيطلع في ظروف أفقر من الكرامة وكنا بناخد فيه ملاليم وماكناش بنقبل إعلانات من ليبيا والعراق وكان بيبيع مئات الآلاف لو حد جاب لي مقال لحمدين بيهاجم فيه معمر القذافي أو صدام حسين أعده بإعتذار رسمي في نفس المكان لحمدين.ولا هي الثورة حلوة على مبارك بس بتموتني من الضحك حكاية إن حمدين أسهمه عليت.لا أسهمه عليت ولا أبو الفتوح أسهمه عليت.كل واحد مؤيدينه زي ماهما وتعالوا ننزل الشارع.خليكوصرحاء وبعدين هو حزب الكرامة كان هيبقى ليه أعضاء في البرلمان أصلا لولا تحالف مع الإخوان.بقوا الإخوان كخة دلوقتي.مانتكلم كلام معقول ولا إيه؟ هو لو كان حمدين ثوري جذري مبدأي ساب ليه عبد الحليم قنديل يمشي بضغط من الرئاسة ويقعد في البيت.مش ده حصل ولا أنا باعيد كتابة التاريخ قولوا لنا لما كنت أنا وغيري بنروح النيابة بتهمة الإساءة للقذافي كان جرنان حمدين بياخد فلوس من الإعلانات دي.ده إسمه إيه.ثورية أحب أسمي الأمور بأسمائها المرشح الوحيد اللي متبني منهج ثوري جذري هو خالد علي.غير كده أبو الفتوح زيه زي حمدين منهجهم ثوري إصلاحي.الحق مايزعلش أنصار حمدين فجأة افتكروا أهمية التوحد وعدم تشميت الفلول فينا.طب ماكان من بدري.عموما أنا مش درويش لأبو الفتوح وباكتب أخطاءه دايما وراجعوني تتهموا أبو الفتوح بالطبطبة على المجلس العسكري طب أنا أتحدى حمدين يقول الكلام اللي قاله خالد علي مثلا عن المجلس.نطلع الفيديوهات ولا إيه اشمعنى أبو الفتوح اللي مش هيتخلص من خلفيته الإخوانية بينما حمدين هيتخلص تماما من خلفيته اللي كلها علاقات مع أنظمة صدام والقذافي والأسد كمان هو لما أبو الفتوح يقول هاحاسب المشير والمجلس ولو طلع براءة هاستعين بيه يبقى عار ولما حمدين يقول باحترم شفيق وأقدره يبقى عظيم وثوري ! اعلم جيد ان احمد شفيق هو خير من انجبت مصر .