الكاتب بلال فضل يشن هجوما كبيرا على المرشح حمدين صباحى عبر حسابه الرسمى على تويتر واليكم ما نشره من تويتات يهاجم فيها صباحى: هو لما أبو الفتوح يقول هاحاسب المشير والمجلس ولو طلع براءة هاستعين بيه يبقى عار ولما حمدين يقول باحترم شفيق وأقدره يبقى عظيم وثوري باخت أوي فكرة إن حد يحتكر الكلام بإسم الثورة بقت مستفزة وكل المرشحين الثوريين في الآخر هيخسروا بس كفاية إدعاء ولازم الإحترام يبقى متبادل أي حد بيتابعني يعرف إني دايما باشير إلى أخطاء أبو الفتوح وأنتقده إحنا مش عايزين زعيم نسقف له عايزين رئيس نحاسبه وننتقده وبعدين لما تطلبوا من أبو الفتوح ينتقد السلفيين اللي قرروا تأييده مابتطلبوش ليه من حمدين ينتقد مصطفى بكري اللي أيده ولابقى ثوري عظيم دلوقتي أنا احترمت الخلفية الثورية لحمدين كتير بس واضح إنه مش قادر يسيطر على أنصاره ولذلك خلينا بقى نطلع الأرشيف طالما كله خسران يخسر بس على بينة إذا كان في حد تاريخه من غير شوائب على الإطلاق فهو خالد علي بصراحة.إنما حمدين زي أبو الفتوح ليه أخطاء وتناقضات وكله على عينك ياثائر قلت ميت مرة تأييدي لأبو الفتوح وراءه دعم لمرشح يفك الإستقطاب لو مصممين عليه خلاص وماله يبقى ماتضحكوش على الناس وتغسلوا تاريخ بعض أونطة ده بس مسح زور عشان ورايا شغل دلوقتي لكن من بكره خلينا نقول بقى أحلى قوالة والأرشيف موجود عشان لاتعاد كتابة التاريخ على هوى البعض.مساء الفل أتحدى الأستاذ حمدين يوري الناس كشوف توزيع جرنان الكرامة اللي كان بيطلعه في أزهى عصوره.ماعرفتش تطلع جرنان ناجح هتنجح بلد إزاي.خلص الكلام اشمعنى أبو الفتوح اللي مش هيتخلص من خلفيته الإخوانية بينما حمدين هيتخلص تماما من خلفيته اللي كلها علاقات مع أنظمة صدام والقذافي والأسد كمان بتتهموا أبو الفتوح بالطبطبة على المجلس العسكري طب أنا أتحدى حمدين يقول الكلام اللي قاله خالد علي مثلا عن المجلس.نطلع الفيديوهات ولا إيه عارف إن في أصدقاء هيزعلوا مني جدا بس وماله لازم الواحد يعمل كل شوية إحلال وتجديد في أصدقاؤه.مايضرش.نبطل بقى شغل العلاقات العامة اللي يفقع وبعدين بتعايروا أبو الفتوح بإن مرجعيته حسن البنا على أساس إن اللي مرجعيته عبد الناصر يبقى عظمة.أمال حكم العسكر ده مين اللي بدعه أساسا أحب أسمي الأمور بأسمائها المرشح الوحيد اللي متبني منهج ثوري جذري هو خالد علي.غير كده أبو الفتوح زيه زي حمدين منهجهم ثوري إصلاحي.الحق مايزعلش ماباخافش من حد لما أبو الفتوح غلط كتبت هنا إنه غلط وارجعوا للتويتات إنما شغل الإرهاب الثوري ده مابياكلش معايا خالص.يانحترم بعض كلنا ياإما لأ بكره هتلاقي بعض مؤيدين حمدين يقولوا عني نفس كلام أنصار الإخوان والسلفيين وهينسوا إنهم كانوا بيقولوا إني مؤيده.ولايهمني قلت ماأراه حقا وخلاص انتهت اليوم الوصلة الأولى من مرحلة كله على عينك ياثائر وإن عدتم عدنا والإثارة مطلوبة برضه اليومين دول.تصبحوا على خير أنصار حمدين فجأة افتكروا أهمية التوحد وعدم تشميت الفلول فينا.طب ماكان من بدري.عموما أنا مش درويش لأبو الفتوح وباكتب أخطاءه دايما وراجعوني الإخوة اللي بيزايدوا على كلامي عن الكرامة الجرنان اللي باحترمه نسيتو لما حمدين ساب عبد الحليم قنديل يمشي بضغوط من الرياسة ولا تحبوا نفكركو هو لو كان حمدين ثوري جذري مبدأي ساب ليه عبد الحليم قنديل يمشي بضغط من الرئاسة ويقعد في البيت.مش ده حصل ولا أنا باعيد كتابة التاريخ قولوا لنا على فكرة باحب حمدين كإنسان وكمناضل قديم وباعشق ولاده محمد وسلمى فنانين رائعين ويشرفوا بس ده مايمنعنيش أقول اللي شايفه حق ورزقي على الله لو حد جاب لي مقال لحمدين بيهاجم فيه معمر القذافي أو صدام حسين أعده بإعتذار رسمي في نفس المكان لحمدين.ولا هي الثورة حلوة على مبارك بس خلاص بقى مش هاقعد أتكلم في موضوع حمدين طول الليل.قلته وخسرت صحابي وخلاص.بكره والله لو حابين هانزلكو شوية ريتويتات حلوة ولا كفاية كده ماتزعلوش مني أو إزعلوا.أنا كده كل ما أشوف حاجة صح هاقولها لو طلعت غلط هاعتذر لو طلعت صح يبقى هانبسط إني قلت رأيي.هو ده دور الكاتب المستقل وبعدين هو حزب الكرامة كان هيبقى ليه أعضاء في البرلمان أصلا لولا تحالف مع الإخوان.بقوا الإخوان كخة دلوقتي.مانتكلم كلام معقول ولا إيه؟ بتموتني من الضحك حكاية إن حمدين أسهمه عليت.لا أسهمه عليت ولا أبو الفتوح أسهمه عليت.كل واحد مؤيدينه زي ماهما وتعالوا ننزل الشارع.خليكوصرحاء لما كنت أنا وغيري بنروح النيابة بتهمة الإساءة للقذافي كان جرنان حمدين بياخد فلوس من الإعلانات دي.ده إسمه إيه.ثورية أنا مابقيتش فاهم هي الثورة مكتوبة على إسم مين بالضبط.تنتقد البرادعي وحمدين والإخوان أنصارهم يطلعوا يقولوا خنت الثورة.إوعوا تعملوها يافاتحون خلاص والله مش هاتكلم في موضوع حمدين تاني النهارده ماتنكشونيش أكتر من كده.كل اللي عندي قلته على التايم لاين لمن أراد والله الموفق والمستعان بيضحكني اللي متعصبين قوي عشان المرشح بتاعهم سواءا أبو الفتوح أو حمدين أو غيره.أمال لما يبقى رئيس هتعملوا إيه.كله بيولي فينك يامتولي
