السلام عليكم .. انا زوجة بعتبر نفسي سعيدة والحمد لله .. جوزي انسان طيب واخلاقه ممتازة لكن فيه عيب واحد .. مهمل جدا جوة البيت , هدومه يقلعها مكانه .. مفاتيحه راميها في اي مكان ونقعد ندور بالساعات .. يرمي الفوطة مبلولة على السرير وطبعا ده بيبل السرير برضه وافضل انشفه بالسشوار .. مش بيشيل طبق بعده وكدة علطول عرض مستمر .. وانا صحتي مش زي الأول بتعب من الجري وراه ألم كراكيبه والمشكلة اننا اتكلمنا كتير في الموضوع ده بس مفيش فايدة .. مهمل لدرجة تغيظ .. هل عندكم طريقة عشان ربنا يهديه واترحم انا من هلاك التنضيف وراه ؟ وشكرا على الإهتمام لو الرسالة دي اتنشرت فضفضة عذرا صديقتي .. على قدر ما أتظاهر بالتماسك كثيرا أمام مشكلات مثيرة مثل مشكلتك الكبيرة جدا جدا .. على قدر ما أواجه صعوبة أحيانا في التزامي بالرد المهذب .. صديقتي أنا بشر أقسم بالله ومن الطبيعي أن أفقد صوابي أنا الآن التي أواجه مشكلة حقيقية معك , صديقتي الرقيقة مشكلتك ليست بمشكلة من الأساس .. اتركي زوجك يغوص في الضوضاء ويمارس لعبة الكراكيب المفضلة .. لم يضرك في شئ .. هل تتذمرين من إبنك عندما يقوم بكل ما يفعله زوجك بالتأكيد لا .. إذن الفارق هنا انك دخلت مع الزوج في منطقة الندية ذلك الأمر المرفوض وجوده من الأساس بين الزوجين وبدلا من تأنيبه على فعلته الشنعاء .. عاتبيه بلطف الأنثى ووجهيه بذكاء الأم كما تفعلين مع أبنائك لما يرهق صحتك أو يثير أعصابك .. سأكتفي بهذا الرد وأرجو ان تكون الرسالة في طريقها إلى الوصول . نيفين حجازي