السلام عليكم ورحمة الله وبركاته.. أنا محتارة ومتلخبطة؛ أنا متجوزة من شهور؛ حياتي كانت منغلقة قبل ما أتجوز، يا دوب على قدّ أصحابي وأهلي، عمري ما دخلت -ولله الحمد- في أي علاقات؛ وده بفضل التربية الدينية اللي نشأت عليها..والدتي ربّتني على مبدأ القناعة كنز لا يفنى، وقاموسنا مايعرفش كلمة اشمعنى، وأقدر أقول إني محبوبة جدا من كل اللي حواليّ بفضل الله.. طب المشكلة فين؟ المشكلة إني بعد ما اتجوزت حسيت إني دخلت عالم غريب جدا، وده لأن عيلة جوزي منفتحين حبتين ومشكلتي بالتحديد هي أخت جوزي؛ فهي عايشة الحياة بالطول والعرض وكل اللي في دماغها بتعمله وماحدش بيقول لها بم. حتى جوزي باحس إنه أوقات متشدد معايا وممكن يخنقني لكن معاها مايقدرش يتكلم؛ أنا بحبها وهي بتحبني لكن أسلوب حياتها موترني وخلّت الشيطان يسيطر عليّ ويحسسني إني كنت محبكة أوي وإني ماعرفتش أستمتع بحياتي. واللي مزعلني إني عمري ما كنت كده، وعمري ما بصيت لحد، وكمان الأول ضيقي مش كان بيبان بس بقيت مابحبش أجتمع معاها، حاسة إنها واخدة حقها بالطول والعرض، وبتمشي كلامها على كل اللي حواليها. لو عايزة تروح مكان مفيش استئذان، تحس كأنها بتدي أمر وأهلها لازم ينفذوا؛ هي مخطوبة من فترة وممشية خطيبها على كيفها؛ هي كانت تعرف ناس قبل خطيبها، ومن ضيقي الشيطان بيلعب في دماغي إني أبعت صورها دي لخطيبها عشان يعرف حقيقتها بس أرجع وأقول حرام أعمل كده .. ساعدوني أخرجها من دماغي وأعيش حياتي من غير ما أحس بوجودها وآسفة إني طولت عليكم . نيمو فضفضة أولا .. لا تفكري في إيذاء إنسان مهما كان السبب ولا تضعي نفسك في مقارنة بينك وبين الآخرين بشكل عام , واعلمي أن تلك الصفات لا تسئ إلا لصاحبها وفي الوقت نفسه لن تُصلحي الكون والأفضل أن تقرري إخراج أخت زوجك من رأسك وحساباتك واعلمي ان المشكلة ليست فيها بقدر ما تسكن داخلك من قبل الزواج , من الواضح على حد قولك أنك تنتمين إلى عائلة ملتزمة وهذا أفضل فلا تضعي نفسك في الكفة المقابلة لعائلة زوجك فتصبحين الخاسرة .. فمن قال لك أنك في الموقع الأسوأ أو الأدنى ؟ .. لماذا لم تفكري في العكس ؟ .. وأن وضعك الحالي هو الأفضل .. سيدتي .. المتعة في الحياة الزوجية هي التي يعيشها الطرفان في خصوصية , وبالنسبة لسلوك زوجك مع شقيقته ليس أكثر من عادات عائلة ترين فيها الإختلاف بسبب نشأتك المختلفة , فلا تضعين ( العقدة في المنشار ) كما يقول المثل وفكري بشكل بسيط يُعينك على إدارة حياتك بشكل أكثر بساطة . نيفين حجازي
