قدم العقيد عمر عفيفي 14 نصيحة لرئيس مصر "المخلوع أو المعزول أو المقتول القادم" على حد تعبيره ، مضيفاً " واللي علي راسه بطحه يحسس عليها". وتابع خلال تدوينة له عبر صفحته بالفيس بوك :" 1 أوعي تزعل منك وزير الدفاع أبدا وتسمع كلامه ، 2 أوعي تفكر أو تصرح أنك الرئيس الأعلي للقوات المسلحة أبدا ، 3 آوعي تفكر نفسك الرئيس الأعلي للشرطة.
وتابع :_ 4 حاول يكون حرسك الجمهوري ضباط من دول أجنبية ومن جنسيات متعددة أو تجيب شركة أمن أحسن لك 5 تروق الحرس بتاعك وتنغنغهم ومتزعلش حد منهم أبدا 6 لو مش واثق في حرسك يبقي تحكم من مغارة في جبل الحلال أو في جبل عتاقة ومحدش يعرف مكانها أبدا 7 لو مش قادر تعيش في الجبل يبقي ممكن تحكم من قبرص عن طريق سكايب والفيبر والتانجو من بعيد لبعيد أضمن لك 8 تضبط لنفسك وولادك ورق اللجوء السياسي لدولة أجنبية من أول يوم للحكم وبعد حلف اليمين مباشرة بدون تأخير وتعمل جواز سفر مضروب للطوارئ 9 أوعي تغرك صناديق الأنتخابات ولا الكلام الفارغ ده 10 أوعي تصدق أوباما لأن البيت الأبيض لن ينفعك في اليوم الأسود 11 لازم تعمل سرداب للهروب عشان تلحق تخلع بسرعة أول ما تحس أن وزير الدفاع زعلان منك 12 أوعي تزعل القضاة والنائب العام عشان يخلو بالهم منك لما تتعزل ويكونوا حنينين عليك في الحكم ده لو معرفتش تخلع وأتقفشت 13 متزعلش الأعلام منك وخصوصا اللي عندعم قنوات فضائية وجرايد وتسمع كلامهم 14 عيش ندل تفضل رئيس علي طول أحسن ما تبقي المخلوع أو المعزول أو المقتول
