لو إنت مصرى لازم تعانى.. لازم تموت وتنزف بكل المعانى.. اوعى تصدق نفسك وتقول أنا.. صاحب حضارة وكانى ومانى.. ماتزعلش يا ابنى بصراحة.. دا كله كلام بتاع أغانى.. اصحى يابنى وقوم من نومك.. وبطل تعيش فى الأمانى.. اوعى يابنى تشتكى فى يوم.. وتقول عايز مواصلة.. أوعى أسمع إنك زهقت.. عشان لقيت الكهربا فاصلة.. يا ابنى لو حبيت تمشى فى شوارعى.. لازم يكون معاك بوصلة.. ابن مصر لازم يكون.. مؤدب ما يعرفش القلق.. ولو عرفت إنك زهقت.. هاقولك بصراحة انفلق.. ابكى فاكرنى هاطبطب عليك.. لا والله هاسيبك وأقولك اندعق.. لو إنت مصرى لازم تموت.. من فوق أعلى جبل وانزلق.. اشكى لربك بأعلى صوتك.. وقول يارب خلاص استويت.. وقول يارب يا قادر ارحم.. عبدك أنا يارب اتهريت.. ولاّ أقولك أحسن يا ابنى.. إنك تقول يا رب ياريتنى ما جيت.. خليك بارد وفى وطنك شارد.. وخلى ضغطك ينزل ويطلع.. اوعى تسمع كلام عالم.. خليك مع الجاهل ركز واسمع.. وإن تعبت يابنى فى يوم.. سافر.. إلهى يا ابنى تسافر ما ترجع. [email protected] العامرية