ردت ناريمان، زوجة الفنان رامي جمال، علي الإنتقادات اللاذعة التي واجهتها عقب معايدة زوجها لها في عيد ميلادها، بمزاح اعتبره البعض مزاحا ثقيلا. وأعادت زوجة الفنان رامي جمال، نشر صورهما من خلال حسابها الخاص بموقع التواصل الإجتماعي إنستجرام.
وكتبت معلقة من خلالها:"بحبك و كل عيد جواز وانت طيب وجمبى و هزارك على قلبى زى العسل والناس اللى مش بتفهم يعنى ايه هزااااااار وكلام انا اللى كتباه وخدوا البوست وعملوا قصه وحوار وادوا نفسهم حق يتكلموا ف حاجة تخصنى انا بصراحة انتوا اللى سخفة وفاضيين وطريقة هزارى انا ورامى دى وراخمتنا على بعض اكتر حاجة بحبها ف علاقتنا".
وأضافت: "مش فاهمة بجد الناس وصل بيها الحال ازاى انها متقدرش تفهم يعنى ايه تهربج وهزار وانا عن نفسى ضحكت لما شوفت البوست فا اظن مفيش اى حد ليه حق يغلط ويتكلم ف حاجة هوا مش طرف فيها انتوا اللى ضايقتونى الحقيقة يوم عيد ميلادى مش هوا مش لاقية حاجة اقولها الحقيقة".
وواجه الفنان،رامي جمال،إنتقادات كثيرة من الجمهور بسبب الطريقة التي عايد بها زوجتة في عيد ميلادها.
وكتب لها رامي جمال من خلال صورة رومانسية نشرها عبر حسابه بموقع التواصل الإجتماعي إنستجرام: @nariiman_n يارب انت عارف اني اتجوزتها وهي عيد ميلادها ذكري الزلزال القوي اللي جه مصر وانهارده عيد ميلادك برق ورعد وحاجه فله كده عرفت انا ليه لما غنيت سقف كورونا غزت العالم الحمد لله اننا مخلفناش لاني واثق ان ابننا كان اكيد هيبقي المسيخ الدجال نهاية العالم هتبقي بدايتها من بيتنا كل سنة وانتي اول واخر واحلي وارخم حاجة في حياتي بفكر اطلقك علشان اخد الدريسينج والحق يرجع لاصحابه happy birthday .
كان الفنان رامي جمال، طرح الأغنية الخامسة بعنوان "كنا ممكن نتفق"، من ألبومه "ولسه"، وهى من كلمات أحمد حسن راؤول وألحان محمد حمزة وتوزيع أمين نبيل، واغنية "قلة الإحساس"، والتى حققت نجاحاً كبيراً ووصلت مشاهدتها إلى 5 ملاين مشاهدة على يوتيوب، والأغنية من كلمات جمال الخولي، وألحان رامى جمال، وتوزيع وميكساج وسام عبد المنعم.
ومن الاغنيات السابقة التى تم طرحها أغنية «دقيقة واحدة» من كلمات رفيق نجيب، وألحان ياسر نور، وتوزيع موسيقي وميكساچ وماستر وسام عبد المنعم، و"مبتكبريش" من كلمات أحمد المالكي، وألحان سهم، وتوزيع نادر حمدي، واغنية "ولسه" من كلمات جمال الخولي، وألحان رامي جمال، وتوزيع احمد إبراهيم.
ومن المقرر أن يطرح ألبوم رامي جمال بعنوان "ولسه"، مع شركة "نجوم ريكوردز" بشكل متتابع خلال 2021، ويضم 10 أغنيات، تعاون فيهم مع مجموعة من الشعراء والملحنين والموزعين، فضلاً عن تقديمه عدة ألحان في ألبومه.
وقدم رامي جمال من قبل 4 ألبومات مع "نجوم ريكوردز" هم: "ملناش إلا بعض"، و"فترة مش سهلة"، و"ليالينا"، و"أنا لوحدي". View this post on Instagram A post shared by nareem (@nariiman_n)
