عبرت الطالبة ندى عبده بدوي الأول مكرر على الثانوية العامة شعبة العلمي رياضة عن سعادتها وفرحتها بعد حصولها على مجموع 409 في الثانوية العامة. وقالت ندى ل"صدى البلد": "فرحتى ما تتوصفش بهذا الخبر واللى زادها أكتر الفرحة اللي شفتها في عيون أهلي بعد نجاحي وده اللى ضاعف فرحتى لما شوفتهم فخورين وفرحانين بيا". وأرجعت ندى تفوقها الى أسرتها قائلة "الفضل بعد ربنا يرجع لوالدى ووالدتى اللى تعبوا معايا وكمان دعم المدرسين ليا كان ليه عامل كبير كانوا دايما بيشجعونا ويحمسونا وبجد وقفوا جنبنا كتير". وعن الكلية التي ترغب في الالتحاق بها قالت: "ان شاء الله هدخل كلية الهندسة قسم العمارة". من جانبها عبرت والدة ندى عن سعادتها الغامرة بنجاح ابنتها، قائلة: "من امبارح منمتش من الفرحة، ربنا توج تعب ندى بالنجاح الكبير ده، وبشكر مدرسينها اللى وقفوا معاها ودعموها".