"هبقى دكتورة مخ وأعصاب ان شاء الله و اعالج الغلابه ببلاش وكمان اعالج صحابى من افكارهم الجنونيه " هكذا بحب وامل وخفة ظل كانت تتحدث نيره الطالبة المتفوقه دائما والحافظة لكتاب الله منذ صغرها . نيره كانت حمامه السلام بين صديقاتها عرف عنها بانها كانت تصلح دائما اى خلاف بيم صديقاتها كانت تتدخل لحل اى مشكله بهدوء وسكينه كما عرف عنها ودارت الايام واصبحت بالمرحلة الثانويه بمدرسة فاطمه عنان ام المعلمين الثانوية بنات بميت ضافر وتفوقت وحصلت منذ ايام على المركز الاول بمدرستها الثانويه بمجموع 403.5 درجة بنسبةة98.41% ولكن تحقق الحلم بعد فوات الآوان فقد مرضت نيره ورحلت للعالم الاخر وحلمها قد دفن معها للابد. يقول والدها بنتى كانت اصغر اخوتها هانى الكبير وهشام وعبد الرازق توأم وهى الصغيره تفوفت على نفسها وسبقت كمان اخواتها فهم اكتفوا بالتعليم التجارى وهى صممت تواصل للثانوى عشان تبقى دكتوره كلنا كنا بنشجعها كلنا كنا بنفخر بيها مشرفانا دايما ورافعه راسنا وفى مره بقولها هتجيبى 98 قالت ليه كده هعدى كمان يابابا و قبل الامتحانات تعبت جدا من الارهاق وكشفت عليها واخدت علاج وبقت كويسه بعد اطالامتحان على طول وشها بدأ يتغير لس كانت بتخرج عادى وفجاة دخلت فى غيبوبه لحد دلوقتى مش عارف السبب فى كل ده ايه ربنا ينتقم من اى حد اداها علاج خطأ او تسبب فى تدهور حالتها ربنا يرحمك يا عروسه الجنه. فيما قال شقيقها هاتى نيره مش اختى بس دى اختى وبنتى وحبيبتى راحت مننا وراح معاها حلمها بانها تبقى دكتوره مخ واعصاب كبيره كان نفسها تساعد الغلابه وتعالجهم كانت حنية الدنيا فيها ربنا يرحمك يا اغلى الناس وقال صالح العزونى مدرس رياضيات نيره كانت اشطر طالبه عندى مع انها دخلت علوم يدبس كانت بتحب الرياضه ودايما يتقفلها وكنت دايما بدى جوايز للمتفوفين كانت بتبقى اول واحدة الواحد مش مصدق بس امر الله نفذ كانت جميله فى كل شئ اخر مره شفتها بعد الامتحان على طول بقولها ها هنبارك بالتفوق قالت بالاولى كمان فارقتنا وهى سابيه فراغ وحزن كبير. فيما قال سيد كبشه مدرس نيره كانت اشطر طالبه ذكيه مؤدبه حافظة القران الكريم كلنا بنحبها جدا وفاتها كانت صدمه للكل ورغم التنافس الموجود بينها وبين زميلاتها الا انهم كانوا بيحبوها يشكل كبير وبيحبوا يذاكروا معاها. وقالت نورا محمد احدى صديقات الراحله نيره كانت لو لقت واحدة غايبه فينا عن المدرسه او الدرس تروح البيت بنفسها تتاكد انها كويسه كانت مرتبطه جدا بعمتها اللى معاهم فى نفس المكان وتبات وتقعد تذاكر عندها ودايما عمتها والعيله كانوا بيشجعوها على التفوق احنا هنعمل ليها تابين كل واحده فينا هتحكى عن كل حاجة حلوة عملتها معانا فى الجنه ونعيمها.